Biełaruskaje MZS zaklikała litoŭski bok «pierahledzieć svaju adyjoznuju i absalutna nieprymalnuju inicyjatyvu».
«Rasceńvajem hetuju vychadku litoŭskaha źniešniepalityčnaha viedamstva jak poŭnaje rastaptańnie ŭsich normaŭ cyvilizavanych znosin, pieratvareńnie ŭ fars sistemy dypłamatyčnych adnosin pamiž dziaržavami», — havorycca ŭ paviedamleńni.
Pavodle viedamstva Uładzimira Makieja, litoŭskaje MZS «vydatna viedaje», što ŭ asnoŭnym u sanatoryj «Biełaruś» u Druskieniki jeduć azdaraŭlacca dzieci. «Sproba Vilni adkryta śpiekulavać na zdaroŭi biełaruskich dziaciej znachodzicca za miežami čałaviečaj marali», — padkreślivajuć u MZS.
Tamu biełaruskaje MZS zaklikała litoŭskich kalehaŭ pierahledzieć»svaju adyjoznuju i absalutna nieprymalnuju inicyjatyvu», kab «nie było soramna nie tolki pierad biełaruskimi, ale i svaimi dziećmi».
Čytajcie taksama:
MZS Litvy: Lačyć biełarusaŭ u sanatoryi «Biełaruś» u Druskienikach možna pa ŭchvaleńni ofisa Cichanoŭskaj
