Łukašenku prademanstravali bieśpiłotnyja avijacyjnyja kompleksy, jakija stajać na ŭzbrajeńni armii, a taksama pierśpiektyŭnyja raspracoŭki. Asnoŭnuju ŭvahu jon nadaŭ biełaruskim uzoram.
«Ty ž nie prosta pakazvaješ ŭ adzinym ekzemplary ŭzor. Luby ŭzor ciapier na front i jon vajuje? — udakładniŭ Alaksandr Łukašenka ŭ staršyni Dziaržkamvajenprama Dźmitryja Pantusa. — Chto kuplaje — tamu i budziem pradavać. Niepažadana, viadoma, kab našy ŭzory vajavali va Ukrainie: usio-taki svaje ludzi».
Častka vyrabaŭ staić na ŭzbrajeńni, častka prachodzić vyprabavańni, a niekatoryja pieradadzienyja armii na paddoślednuju ekspłuatacyju. Prahramnaje zabieśpiačeńnie i sistemy kiravańnia ŭ biełaruskich bieśpiłotnikaŭ taksama biełaruskaj vytvorčaści.
Paviedamlajecca, što siarod pradstaŭlenych madelaŭ byli bieśpiłotniki-raźviedčyki, udarnyja kompleksy i taksama raźviedvalna-ŭdarny bieśpiłotny viertalot, anałahaŭ jakomu ŭ śviecie niama. Amierykancy nie dzielacca hetaj raspracoŭkaj sa svaimi partniorami.
«Heta značyć, my na ziamli bačym usio? Nakolki jon budzie nieparažalnym ŭ bai? Kolki možacie vyrablać u miesiac? Jakaja efiektyŭnaść? Uziali na ŭzbrajeńnie?» — spytaŭ Łukašenka.
