Sistema S-300. Padobnymi karystajucca ŭkraincy. Fota: vecteezy.
Rasija naceliłasia na abjekty cyvilnaj infrastruktury, jakija zabiaśpiečvajuć ciapłom, elektryčnaściu i vadoj nasielnictva Ukrainy. Zachodnija krainy paabiacali nieadkładna nakiravać va Ukrainu srodki supraćpavietranaj abarony ŭ adkaz na takuju taktyku Rasii.
Vašynhton zajaviŭ, što paskoryć pastaŭku dźviuch sistem supraćpavietranaj abarony, viadomych jak NASAMS, jašče šeść buduć pastaŭlenyja krychu paźniej. Hiermanija paabiacała pastavić čatyry sistemy IRIS-T. Zialenski prasiŭ ab dapamozie z kompleksami SPA ź pieršych dzion vajny, jakaja doŭžycca ŭžo 8 miesiacaŭ.
10 kastryčnika Rasija vypuściła pa Ukrainie 83 rakiety. 43 byli źbityja, ale 40 prynieśli śmierci i razbureńni. Na fonie rasijskich atak ŭkrainskaja supraćpavietranaja abarona była vymušanaja prajavić kreatyŭ.
Kapitan Uładzimir Klimin, namieśnik kamandzira bataljona, jaki pracuje ź zienitna-rakietnymi kompleksami S-300 u Kijeŭskaj vobłaści, havoryć, što jahonyja padnačalenyja pracujuć u karotkija źmieny, kab zastavacca hatovymi da atak.
Klimin skazaŭ, što jaho padraździaleńnie, naprykład, nikoli nie pramachvałasia. Prablema ŭ tym, što va Ukrainie nie chapaje padraździaleńniaŭ supraćpavietranaj abarony, kab prykryć usie rajony krainy.
«Jość rasiejcy, jakija nie durnyja i ŭmiejuć dumać», — skazaŭ Klimin. — I tamu jany sprabujuć abyści našy sistemy supraćpavietranaj abarony, vykarystoŭvajučy łandšaft abo raźvieddanyja pra toje, dzie my znachodzimsia. Nas sprabujuć pieramahčy. Ale kali sistema bačyć cel i nacelvajecca na jaje, to jana jaje źbivaje».
Heta svojeasablivaja šachmatnaja hulnia. Raźmiaščeńnie supraćpavietranaj abarony Ukrainy pastajanna źmianiajecca, a rasijanie ŭ adkaz mianiajuć maršruty svaich rakiet.
Patreba Ukrainy ŭ zachodnich supraćpavietranych kompleksach zaklučajecca ŭ likvidacyi prabiełaŭ zon pakryćcia.
Prablema ŭ tym, što bolšaść ukrainskich sistem — savieckija, im bolš za 30 hadoŭ. NASAMS i niamieckija sistemy IRIS-T našmat bolš daskanałyja, havoryć Dzianis Smažny, načalnik padrychtoŭki zienitnych rakietnych vojskaŭ Ukrainy.
«Nam treba zamianić našy staryja sistemy, tamu što jany prosta nie zmohuć chutka spravicca z hetymi pahrozami, — skazaŭ Smažny, jaki znachodzicca za miažoj i vučycca kiravać NASAMS. U nas zakančvajucca rakiety».
Prablema jašče i ŭ tym, što rasijanie pačali zapuskać tannyja iranskija drony-kamikadze, i marnavać na ich darahija rakiety «ziamla-pavietra» ŭkraincam nie zusim racyjanalna, bo niečym treba źbivać i kryłatyja rakiety (jakija prynosiać našmat bolš razbureńniaŭ).
Pa słovach amierykanskich čynoŭnikaŭ, da prybyćcia NASAMS jašče niekalki tydniaŭ. Padrychtoŭka ŭkrainskich vajskoŭcaŭ adbyvajecca ŭ ekspres-režymie. Pakul NASAMS nie pryjeduć, ukraincy buduć abychodzicca tym, što ŭ ich jość.
