Edhars Rynkievičs

Edhars Rynkievičs

Taksama ŭ rasijan, pavodle ministra, spytajuć «Čyj Krym?» i «Što adbyvajecca va Ukrainie?» — kab vyśvietlić ich palityčnyja pohlady i toje, ci padtrymlivajuć jany vajnu. Adkazy paŭpłyvajuć na šancy padaŭžeńnia dazvołaŭ na žycharstva.

«Kali čałaviek vyznačajecca, čyj Krym, što adbyvajecca va Ukrainie, jaho staŭleńnie da rasijskaj ułady — heta adno, — skazaŭ Edhars Rynkievičs. — Kali čałaviek prosta ŭciakaje ad mabilizacyi abo žyvie tut i praciahvaje prapahandu pucinskaha režymu — a jość i takija — to heta inšy vypadak.

Tak što ja nie liču, što heta šantaž abo cisk. Ale toje, što adbyłosia 24 lutaha 2022 hoda, žorstka pamianiała staŭleńnie da Rasii. I heta vina nie tolki adnaho čałavieka, Pucina: my tut bačym vajnu, jakuju viadzie ŭsia Rasija».

Ciapier dazvoł na žycharstva ŭ Łatvii jość u 10 000 rasijan.

Rynkievičs taksama padkreśliŭ, što Łatvija nie budzie prymać i davać prytułak rasijanam, jakija pakidajuć svaju krainu, sprabujučy paźbiehnuć mabilizacyi na vajnu va Ukrainie.

«Hetyja ludzi — nie suprać vajny, jakuju Rasija viadzie va Ukrainie, a suprać mabilizacyi, i heta vialikaja roźnica, — patłumačyŭ kiraŭnik MZS Łatvii pazicyju aficyjnaj Ryhi. — Kali vy ličycie, što toje, što zaraz tvorycca u Rasii, niedapuščalna — to vystupajcie suprać rasijskaj ułady».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?