Pa materyjałach abvinavačańnia Alena Miadziel paśla prahladu ŭ adnym z telehram-kanałaŭ fotazdymka i paviedamleńnia pra učastkovuju inśpiektarku pa spravach niepaŭnahadovych z Bresta raźmiaściła ad svajho imia kamientar, jaki ŭtrymlivaŭ vykazvańni ŭ abraźlivaj i nieprystojnaj formie.
Ekśpiertyza ŭstanaviła, što kamientar niehatyŭna aceńvaje supracoŭnicu MUS, prynosić joj maralnyja pakuty.
Paciarpiełaja zapatrabavała ŭ Aleny kampiensacyi maralnaj škody ŭ pamiery 1000 rubloŭ, sud pahadziŭsia z takoj sumaj.
U chodzie sudovaha pracesu abvinavačanaja, jakaja znachodziłasia pad padpiskaj ab niavyjeździe, vinu pryznała całkam, patłumačyła, što kamientar pakinuła na emocyjach i ciapier škaduje pra svoj učynak.
Sud pastanaviŭ pryznać Alenu Miadziel vinavataj i pryznačyŭ joj pakarańnie ŭ vyhladzie abmiežavańnia voli biez nakiravańnia va ŭstanovu adkrytaha typu terminam na adzin hod i 6 miesiacaŭ (chatniaja chimija).
