Ranicaj u subotu pa ŭsioj Ukrainie była abvieščanaja pavietranaja tryvoha. U niekalkich abłaściach adbylisia vybuchi. Adbyŭsia zapusk rakiet z poŭdnia.
U Łucku adbyłosia niekalki vybuchaŭ. Paśla napadu ŭ niekatorych rajonach horada adsutničaje elektryčnaść.
Prahrymieli vybuchi i ŭ Roŭna. Haradžanie taksama paviedamili pra pieraboi sa śviatłom i vadoj.
U toj ža čas kiraŭnik Kijeŭskaj abłasnoj vajennaj administracyi Alaksiej Kuleba apaviaściŭ, što ŭ Kijeŭskaj vobłaści pracuje SPA.
«Znachodziciesia ŭ schoviščach… Pamiatajecie pra zabaronu na fota-i videafiksacyju pracy supraćpavietranaj abarony, varožych abjektaŭ i ich padzieńnia. Bieražycie siabie i zachoŭvajcie spakoj!»,— adznačyŭ jon.
Kiraŭnik Chmialnickaj OVA Siarhiej Hamalij prainfarmavaŭ, što ŭ Chmialnickaj vobłaści čutnyja vybuchi. Taksama miascovyja ŚMI paviedamlajuć ab vybuchach u Adeskaj vobłaści.
«Prosim pa mahčymaści zrabić zapasy vady, bo praz hadzinu jana taksama źniknie», — havorycca ŭ paviedamleńni.
Taksama ŭ sacsietkach paviedamlajuć ab vybuchach u Lvoŭskaj vobłaści.





