Fota: V_Zelenskiy_official / Telegram
Ab tym, što maštab paškodžańniaŭ ukrainskich enierhietyčnych abjektaŭ ad siońniašnich udaraŭ «sumierny» z atakami 10-12 kastryčnika abo «moža ich pieravyšać», zajavili ŭ «Ukrenierha».
Śpiecyjalisty prymajuć usie miery dla bolš chutkaha adnaŭleńnia elektrazabieśpiačeńnia ŭ rehijonach, jakija zaraz zastalisia bieź śviatła.
Kampanija paviedamiła ab abmiežavańniach u enierhazabieśpiačeńni ŭ Kijevie, a taksama Kijeŭskaj, Čarnihaŭskaj, Čarkaskaj, Žytomirskaj, Sumskaj, Charkaŭskaj, Pałtaŭskaj, Dnieprapiatroŭskaj, Zaparožskaj i Kiravahradskaj abłaściach.
Apieratar ukrainskich čyhunak «Ukrzaliznycia» taksama raspavioŭ, što niekatoryja ŭčastki šlachoŭ abiastočany. Ciahniki jeduć z reziervovymi ciepłavozami.
U šmatlikich rajonach prablemy ź internetam.
Masiravany rakietny ŭdar pa Ukrainie byŭ naniesieny ŭ noč na 22 kastryčnika. Abstreły byli nie nie mienš jak u 10 abłaściach.
Prezident Uładzimir Zialenski zajaviŭ, što z nočy rasiejcy vypuścili pa Ukrainie 36 rakiet. «Z nočy vorah ździejśniŭ masiravanuju ataku: 36 rakiet, bolšaść ź jakich źbita».
Jon apublikavaŭ fota nastupstvaŭ rasijskaha ŭdaru na adnym z enierhietyčnych abjektaŭ.
«Na fota tolki adzin z prykładaŭ taho, jak vorah sprabuje nas złamać. Heta podłyja ŭdary pa krytyčna važnych abjektach. Charakternaja taktyka terarystaŭ. Śviet moža i pavinien spynić hety teror», — zaklikaŭ jon.
Raniej pavietranyja siły Ukrainy paviedamili, što ranicaj u subotu Rasija atakavała Ukrainu kryłatymi rakietami Ch-101 i «Kalibr»: 18 ź ich źbiła supraćpavietranaja abarona.
