Pavodle analizu, jon na 99,9 pracenta — štučnaja kopija naturalnaha virusa, zajaviŭ adzin z aŭtaraŭ daśledavańnia Valancin Brutel.
«U spałučeńni ź inšymi malekularnymi dokazami našy vyniki pakazvajuć, što hety virus na 99,9 adsotka źjaŭlajecca štučnaj, vierahodna, manipulavanaj kopijaj naturalnaha virusa», — padkreśliŭ jon.
Navukoŭcy śćviardžajuć, što takim čynam znajšli dokazy łabaratornaha ŭźniknieńnia virusa. Jany apublikavali vysnovy ŭ vyhladzie preprynta, jaki jašče nie prajšoŭ praces navukovaha recenzavańnia. U svaim artykule jany pryvodziać arhumienty na karyść taho, što SARS-CoV-2-naŭmysna hienietyčna madyfikavany virus.
Jak rastłumačyŭ navukoviec, mietady, jakija, jak miarkujecca, vykarystoŭvalisia pry stvareńni SARS-CoV-2, taksama ŭžyvajucca ŭ vielmi padobnaj formie asobnymi łabaratoryjami dla vytvorčaści sintetyčnych virusaŭ.
Pa słovach Brutela, jon taksama vykarystoŭvaje hetyja mietady ŭ svajoj paŭsiadzionnaj pracy, ale dla raspracoŭki «całkam biasškodnych» preparataŭ na asnovie białku dla lačeńnia autaimunnych zachvorvańniaŭ.
Pa słovach navukoŭcaŭ, jany vyjavili ŭ hienomie SARS-CoV-2 svajho rodu «adbitak palca». Heta patern, jaki rehularna paŭtarajecca ŭ hienomie virusa, rastłumačyŭ Brutel. Pavodle jaho słoŭ, łabaratoryi, jakija zajmajucca hienietyčnaj madyfikacyjaj RNK-virusaŭ, takich jak SARS-CoV-2, spačatku źbirajuć hienietyčny materyjał z asobnych budaŭničych błokaŭ DNK. Pablizu miescaŭ złučeńnia hetych «budaŭničych błokaŭ» zastajucca charakternyja ŭzory.
Brutel i jaho kalehi paraŭnali hienomy viadomych štučna stvoranych i pryrodnych virusaŭ. Jak patłumačyŭ navukoviec, u pryrodnych miesca raspaznańnia raźmierkavany zusim vypadkova, a ŭ štučna stvoranych zaŭsiody źjaŭlalisia ŭ peŭnym uzory.
«Hetaja zakanamiernaść taksama vyjaŭlenaja ŭ SARS-CoV — 2, ale nie ŭ blizkarodnasnych virusaŭ», — rastłumačyŭ navukoviec.
Jon udakładniŭ, što, pavodle papiarednich vynikaŭ, vierahodnaść taho, što naturalnaja evalucyja vypadkova stvaryła hety patern, składaje nie bolš za adzin da sta, a mahčyma, i značna mienš.
