Pavodle słoŭ Dabravolskaj, havorka idzie pra abaronu intaresaŭ paciarpiełych u pieršyja dni pratestaŭ.
Bolš padrabiaznuju infarmacyju Dabravolskaja davać admoviłasia, spasłaŭšysia na rašeńnie polskaj prakuratury «vyklučyć publičnaść» pry rasśledavańni hetych spraŭ. Jurystka paviedamiła, što supracoŭniki Centra biełaruskaj salidarnaści ceły hod viali supravadžeńnie dakumientaŭ pa hetych vypadkach.
Pieršapačatkova, pavodle słoŭ Dabravolskaj, polskija ŭłady «nie bačyli ŭ hetym svajoj cikavaści, jaje treba było dakazać». Ciapier, adznačyła jana, «praca pa hetym napramku viadziecca niekalkimi jurystami».
U śniežni 2021 hoda polski advakat Tomaš Vilinski nakiravaŭ u Nacyjanalnuju prakuraturu Polščy zajavu ab padazreńni ŭ hienacydzie i złačynstvach suprać čałaviečnaści, učynienych pradstaŭnikami biełaruskaj ułady. Z taho času pra jaki-niebudź prahres u hetaj spravie nie paviedamlałasia.
