Zdymak ilustracyjny. Fota: Getty image

Zdymak ilustracyjny. Fota: Getty image

U pačatku maja na častcy akupavanaj Zaparožskaj vobłaści była stvoranaja struktura dziaržaŭnaha zbožžavaha apieratara, jakuju uznačaliŭ biznesmien z Sankt-Pieciarburha Mikita Busieł.

Adnak apieratar, jaki pavinien byŭ farmiravać tak zvany Dziaržaŭny fond zbožža dla prodažu kradzienaj ahrapradukcyi, nie zarehistravany ni va Ukrainie, ni ŭ Rasii. Akupacyjnaja administracyja pastajanna vychvalałasia, što rehijon ekspartuje kala 5000 ton zbožža ŭ dzień pa čyhuncy i kala 1500-2000 ton aŭtamabilnym transpartam.

Dla vyvazu zbožža za miežy Ukrainy Rasija vykarystała sudna Pawell pad siryjskim ściaham, jakoje adnosicca, vierahodna, da fiktyŭnaj brytanskaj kampanii Pawell Shipping Co Llp LLPCo.

Źviestki z aŭtamatyčnaj identyfikacyjnaj sistemy (AIS) pakazvajuć, što sudna 31 lipienia stała na jakar u Kierčanskim pralivie. Zatym uviečary 10 žniŭnia jano vyklučyła AIS i źnikła z radaraŭ. Znoŭ Pawell źjaviŭsia 15 žniŭnia, praz dva dni paśla taho, jak u dakumientach, jakija ŭbačyła FT, sudna było zapoŭniena 2675 ton pšanicy ŭ Biardziansku. 

Z novym pakietam dakumientaŭ, jaki ŭžo śviedčyŭ pra toje, što zbožža nibyta zahruzili nie ŭ Biardziansku, a ŭ rasijskim porcie Kaŭkaz, raźmieščanym u Kierčanskim pralivie.

Novyja dakumienty byli ŭniesieny ŭ rasijskija bazy, što pazbaviła mytnikaŭ zamiežnych dziaržaŭ padstaŭ dla sumnievaŭ adnosna lehalnaści hruzu. Paśla hetaha Pawell adpraviŭsia ŭ bok Turcyi. Jon prybyŭ 3 vieraśnia ŭ port Samsun na ŭźbiarežžy Čornaha mora ŭ Turcyi, majučy pry sabie dakumienty porta Kaŭkaz. Adnak paśla niaŭdałaj pieršaj sproby prodažu sudna znoŭ vyklučyła AIS, i kali jaho ŭbačyli ŭ nastupny raz — jano ŭžo było pustym.

Zbožža, jakoje rasijskija akupanty kraduć va ŭkrainskich fiermieraŭ na časova akupavanych terytoryjach, siarod inšaha vyvozicca ŭ Siryju, kudy rasijanie adpravili ŭžo 100 tysiač ton pšanicy koštam 40 młn dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?