Zapuščanaja paŭnočnakarejskaja balistyčnaja rakieta małoha radyusa dziejańnia ŭpała ŭ mora prykładna za 60 km ad paŭdniovakarejskaha horada Sakchča, jaki raźmieščany kala demarkacyjnaj linii na ŭschodnim bierazie paŭvostrava.
Paŭdniovaja Kareja adkazała puskam troch rakiet — taksama ŭ mory, praz marskuju miažu.
Prezident Paŭdniovaj Karei Jun Sok Jel zajaviŭ, što zapusk rakiety praz marskuju miažu źjaŭlajecca «pa sutnaści terytaryjalnym uvarvańniem» z boku KNDR.
Pavodle źviestak paŭdniovakarejskich vajskoŭcaŭ, usiaho paŭnočnakarejcy ranicaj u sieradu zapuścili jak minimum 10 rakiet.
Hienštab Respubliki Kareja zajaviŭ, što Paŭdniovakarejskaja armija «nie pacierpić takich pravakacyj z boku KNDR i adkaža ćviorda i rašuča ŭ ramkach ciesnaha supracoŭnictva Paŭdniovaj Karei i ZŠA».
Prezident Paŭdniovaj Karei i premjer-ministr Japonii ŭ suviazi z apošnimi zapuskami rakiet u KNDR sklikali ŭ svaich krainach Rady nacyjanalnaj biaśpieki.
Napiaredadni Pchieńjan zapatrabavaŭ ad Paŭdniovaj Karei i ZŠA spynić sumiesnyja vučeńni i pryhraziŭ u vypadku admovy pryniać surjoznyja miery.
