«Siońnia ŭ Nacyjanalnym centry kiravańnia abaronaj Rasijskaj Fiederacyi pad kiraŭnictvam Ministra abarony Rasijskaj Fiederacyi hienierała armii Siarhieja Šajhu adbudziecca pasiedžańnie sumiesnaj kalehii vajennych viedamstvaŭ Biełarusi i Rasii. (…) Na im płanujecca abmierkavać pytańni ab chodzie realizacyi płana sumiesnych mierapryjemstvaŭ Ministerstvaŭ abarony Respubliki Biełaruś i Rasijskaj Fiederacyi pa harantavańni vajennaj biaśpieki Sajuznaj dziaržavy na 2022-2024 hady», — paviedamiła Minabarony RF.
U vajennym viedamstvie taksama dadali, što adnoj z najvažniejšych tem abmierkavańnia stanie ŭzajemadziejańnie orhanaŭ vajennaha kiravańnia Uzbrojenych sił Biełarusi i Rasii pa supraćdziejańni sprobam falsifikacyi historyi.
Akramia taho, u ramkach pasiedžańnia buduć vyznačany pryjarytety sumiesnaj dziejnaści na 2023 hod.
U pasiedžańni sumiesnaj kalehii prymuć udzieł kirujučy skład US Rasii i Biełarusi, a taksama inšyja słužbovyja asoby Minabarony Rasii, orhanaŭ dziaržaŭnaj ułady i Pastajannaha kamiteta Sajuznaj dziaržavy.
