Zvarot «da hramadzian Rasii» apublikavała «Siardzitaja Čuvašyja».
«My, ryzykujučy ŭłasnym žyćciom, idziem na viernuju śmierć dla vašaj biaśpieki i mirnaha žyćcia! Naša dziaržava admaŭlajecca vypłacić nam hrašovyja srodki ŭ pamiery 195 tysiač rubloŭ, jakija nam abiacaŭ Uładzimir Pucin! Dziela čaho tady nam iści vajavać za hetuju dziaržavu, pakinuŭšy svaje siemji biez padtrymki?!»,— zajavili vajskoŭcy.
Pavodle zajavy mabilizavanych, jany admaŭlajucca ad udziełu ŭ vajnie i «buduć damahacca spraviadlivaści», pakul im nie vypłaciać abiacanyja sumy.
U navučalny centr va Uljanaŭsku ściahvajucca AMAP i Rashvardyja dla padaŭleńnia buntu.
Na videa, apublikavanym u telehramie, vajskoŭcy vykazvajuć pretenzii i zajaŭlajuć, što ich padmanuli z vypłatami. Akramia taho, jany sprabujuć vyśvietlić, dzie znachodzicca ich kamandzir pałka.
Adzin z pratestoŭcaŭ zajaviŭ, što pryjechaŭ u rodny horad z Maskvy, kab udzielničać u vajnie.
