Sudovy praces viadzie sudździa Anastasija Kulik, dziaržaŭnaje abvinavačvańnie padtrymlivaje Ina Zubko.
Palitviaźniaŭ abvinavačvajuć va ŭdziele ŭ «Maršy novaj Biełarusi» ŭ Minsku 23 žniŭnia 2020 hoda (art. 342 KK).
Aktyŭny ŭdzieł palitviaźniaŭ vyjaviŭsia ŭ tym, što jany «publična vykrykvali łozunhi, hučna plaskali ŭ dałoni, znachodzilisia na prajeznaj častcy, čym błakiravali i pieraškadžali ruchu transpartu ŭ Minsku, u tym liku haradskoha pasažyrskaha».
Kazłoŭ adznačyŭ, što nie razumieje, u čym jaho abvinavačvajuć, bo heta sumieś «dziŭnaj łohiki i niastrymnaj fantazii».
Na pytańnie suda, ci pryznaje svaju vinu, Kazłoŭ adkazaŭ:
«Ja pryznaju siabie bolš paciarpiełym, čym vinavatym».
Kavalova pryznała svaju vinu častkova, Alaksiejeva pryznała vinu całkam.
Siońnia padčas pasiedžańnia dziaržabvinavačvańnie zaprasiła dla abvinavačanych nastupnyja terminy: Antaninie Kavalovaj — 1 hod kałonii, Aksanie Alaksiejevaj — 1,5 hoda kałonii, Mikałaju Kazłovu — 2,5 hady kałonii.
Prysud budzie abvieščany zaŭtra.
Mikałaj Kazłoŭ, Aksana Alaksiejeva i Antanina Kavalova byli zatrymanyja 27 lipienia.
