Fota: telehram-kanał «prakuratura Maskvy»
Avaryja adbyłasia ŭ centry Maskvy na vulicy 1905 hoda. Kiroŭca taksi spyniŭsia na prypynku hramadskaha transpartu, kab padabrać pasažyrku. Žančyna ledź paśpieła sieści ŭ taksi i zakryć dźviery, jak u aŭtamabil na poŭnaj chutkaści ŭrezaŭsia vialikahruz.
Momant DTZ patrapiŭ na videa:
Hruzavik u litaralnym sensie słova ŭpiačataŭ mašynu taksi ŭ aŭtobus, jaki stajaŭ dalej na prypynku.
Kiroŭca i pasažyrka taksi zahinuli na miescy. Aŭtamabil taksi paśla sutyknieńnia pieraŭtvaryŭsia ŭ hrudu mietałałomu.
fota: dziaržaŭtainśpiekcyja Maskvy
Vinoŭnik DTZ źnik ź miesca zdareńnia. Rasijskija pravaachoŭniki miarkujuć, što za styrnom hruzavika byŭ hramadzianin Biełarusi 1995 hoda naradžeńnia. Palicyja šukaje Viačasłava Pivavarava — uradženca horada Kalinkavičy Homielskaj vobłaści.