Skryn videa
28 krasavika Dziatłaŭ zdymaje videa ŭ dvuchpaviarchovym domie ŭ vioscy Novaja Kamienka Chiersonskaj vobłaści, dzie jon «spyniŭsia na pryvał» z tavaryšam pa słužbie Zuchrabam. Miarkujučy pa sacyjalnych sietkach, heta Zuchrab Mahamiedaŭ. Mužčyny pjuć skradzieny ałkahol. «Chutka ŭsich chachłoŭ piera*biem, b*. Hienacyd zrobim», — kaža Zuchrab. Dziatłaŭ dadaje: «Je*ašyć choča ŭsich hetych pidarasaŭ, ale my ich razja*ašym, tolki paźniej, zaraz pasiadzim troški».
Na inšych videa, zapisanych z maja pa žnivień u inšych nasielenych punktach Chiersonskaj vobłaści, Dziatłaŭ zdymaje raźbityja mašyny, a taksama prachodzić praź dziasiatak žyłych damoŭ, pakinutych haspadarami. U damach panuje biazładzica, a Dziatłaŭ narakaje: «Tut užo i brać niama čaho, tut užo da nas pabyvali ź Minabarony». Adnak, miarkujučy pa videa, Dziatłaŭ zmoh zabrać z kinutych damoŭ hryŭny i załatyja ŭpryhožvańni i, jak minimum, kataŭsia na skradzienym viełasipiedzie.
25 vieraśnia Uładzisłaŭ Dziatłaŭ zahinuŭ pry artyleryjskim abstrele ŭ siale Davydaŭ Brod Chiersonskaj vobłaści. 4 kastryčnika jaho pachavali. Pa słovach stvaralnikaŭ videa, niekalki kaleh Dziatłava taksama zahinuli, jašče niekalki — apynulisia ŭ pałonie.
Uładzisłavu Dziatłavu było 30 hadoŭ, jon rodam z Kurhanskaj vobłaści. Słužyŭ u pałku apieratyŭnaha śpiecyjalnaha pryznačeńnia Čačenskaj Respubliki. Byŭ vieteranam bajavych dziejańniaŭ, uznaharodžany ordenam «Za słužbu na Kaŭkazie».
Paśmiarotna pradstaŭleny da ŭznaharody «Ordenam mužnaści».
Va Vkontaktie Dziatłaŭ byŭ zarehistravany jak «Uładzisłaŭ Viecier». Na svajoj staroncy jon vykładaŭ fiłasofskija cytaty («U hetym śviecie možna šukać usio, akramia kachańnia i śmierci. Jany sami ciabie znojduć, kali pryjdzie čas», «Nie chadzicie pa ziamli hanarliva, vam jašče ŭ joj lažać»), a taksama fatahrafii z pajezdak pa rehijonach Kaŭkaza. Miescam pracy ŭ jaho na staroncy značycca Rashvardyja, a taksama paznačana, što ŭ 94 pałku apieratyŭnaha pryznačeńnia ŭ horadzie Hrozny Čačenskaj Respubliki jon słužyć z 2016 hoda.
