Spravazdača arhanizacyi hruntujecca na intervju z 88 ludźmi. Bolšaść ź ich — cyvilnyja asoby z Maryupala, a taksama z Charkaŭskaj, Łuhanskaj, Chiersonskaj i Zaparožskaj abłaściej.
Amnesty International sabrała dokazy taho, jak rasijskija i kantralavanyja Rasijaj siłaviki nie pakidali mnohim cyvilnym nijakaha inšaha vybaru, akramia jak vyjezdu ŭ Rasiju abo na akupavanyja ŭkrainskija terytoryi.
U dakładzie taksama zadakumientavanyja pravaparušeńni akupantaŭ padčas hvałtoŭnaj pracedury pravierki cyvilnych, tak zvanaj «filtracyi», kali ludzi stanavilisia achviarami vajennych złačynstvaŭ, supraćpraŭnaha ŭtrymańnia i katavańniaŭ abo inšych formaŭ žorstkaha abychodžańnia.
Pravaabaroncy adznačajuć, što rasijskaja armija katavała cyvilnych. Niekatorych advolna zatrymlivali, źbivali, prymianiali elektrašok i pahražali pakarańniem. Inšym admaŭlali ŭ ježy i vadzie, mnohich utrymlivali ŭ niebiaśpiečnych umovach i pierapoŭnienych kamierach.
