Fota: Minabarony RF
Rasijski ideołah Alaksandr Duhin adkryta raskrytykavaŭ Pucina za toje, što jon zdaŭ Chierson.
Pucinu ciažej ułahodzić adeptaŭ vajny praź niazdolnaść jahonych vajskoŭcaŭ dasiahnuć svaich maksimalisckich metaŭ u źviaržeńni ŭkrainskaha ŭrada i zachopu ŭsioj Ukrainy, piša ISW. Nacyjanalistyčna nastrojenyja prapahandysty, takija jak Uładzimir Sałaŭjoŭ, usio čaściej patrabujuć ad Kramla i vyšejšaha vajskovaha kamandavańnia vykanać svaje mety va Ukrainie, a Sałaŭjoŭ navat zaklikaŭ da poŭnaj mabilizacyi i zvalnieńnia niekampietentnych čynoŭnikaŭ paśla adstupleńnia z Chiersona. Pramaja krytyka Pucina ŭ pravajennaj supolnaści amal biesprecedentnaja, a hučnaja i niedarečnaja ataka Duhina na Pucina moža pakazvać na zruch siarod ideołahaŭ ruskaha nacyjanalizmu.
Kanały, źviazanyja z hrupaj najmitaŭ «PVK Vahniera», taksama niezadavolenyja Kramlom z-za straty Chiersona — heta moža śviedčyć pra dalejšy rost upłyvu siłavikoŭ. Niekatoryja błohiery namiakali, što Kreml «pradaŭ» Chierson, i adznačali, što rasijskija ŭłady rehularna zdajuć terytoryi, nie pytajučysia ludziej.
Rasija, vierahodna, niezakonna departuje tysiačy ŭkrainskich dziaciej. Akupacyjnyja ŭłady Zaparožskaj vobłaści ŭ apošnija tydni zrabili publičnyja zajavy ab płanavanym prymusovym pierasialeńni bolš za 40 000 dziaciej Chiersonskaj vobłaści ŭ Rasiju i pryznali, što ich sistemy dohladu za ŭkrainskimi dziećmi nieadekvatnyja. Akupacyjnyja ŭłady departavali ŭkrainskich dziaciej u Rasiju ŭ ramkach prahram navučańnia, adpačynku i inšych schiem na praciahu apošnich 10 dzion.
ale...
duhin nie moža spynicca