14.11.2022
/ 19:52 / Ałharytmičny łacinski varyjant
Praŭładnyja prapahandysty pavialisia na fejk pra Puškina ad homielskaha pravakatara
Ranicaj 11 listapada ŭłady ŭkrainskaha Žytomira źniali z pastamienta biust Puškina, što stajaŭ u hetym horadzie, i pieravieźli jaho ŭ muziej. Videa z pracesam demantažu raspaŭsiudzili ŭkrainskija ŚMI. Rasijskija i łukašenkaŭskija ŚMI nieŭzabavie paviedamili pra toje, što padčas demantažu zahinuŭ čałaviek. Ale akazałasia, što hetyja čutki ŭ infarmacyjnuju prastoru śviadoma zakinuŭ hamialčuk, jaki na hetym śpiecyjalizujecca, piša «Fłahštok».
Infarmacyja pra toje, što biust Puškina pry padzieńni zabiŭ žychara Žytomira, na druhi dzień pajšła pa rasijskich ŚMI, 13 listapada pra «zdareńnie» raskazaŭ i Ryhor Azaronak na STB.
Ale ŭ toj ža dzień u kamientarach da svajho jutub-kanała žychar Homiela Jaŭhien Katlaroŭ pryznaŭsia, što heta jon stvaryŭ dy raspaŭsiudziŭ hety fejk: «Dyk jany ŭ mianie navinu skrali, dakładniej praź mianie».
Jaŭhien Katlaroŭ. Fota z asabistaj staronki ŭ fejsbuku
Raniej hamialčuk Katlaroŭ nieadnarazova dasyłaŭ iłžyvuju infarmacyju ŭ niezaležnyja ŚMI, a ciapier usio čaściej zakidaje fejki i praŭładnym aktyvistam — svaim kankurentam.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
