«Ja vybrany prezident Biełarusi, i razam my pieramožam» — tak nazyvajecca artykuł, u jakim Cichanoŭskaja tłumačyć situacyju ŭ Biełarusi dla zachodniaj aŭdytoryi.
«Ja pieramahła Łukašenku na ŭsieahulnych vybarach 2020 hoda, pakul jon nie skraŭ pieramohu z dapamohaj KDB, siłavikoŭ i Pucina.
Demakratyčnaja Biełaruś była b katastrofaj dla pucinskaha ŭvarvańnia va Ukrainu. Tamu, imknučysia padtrymać svajho staroha sajuźnika, rasijski prezident zabiaśpiečyŭ finansavuju padtrymku, prysłaŭ prapahandystaŭ i padrychtavaŭ siły dla ŭvarvańnia, a ŭzamien jon zaručyŭsia padtrymkaj Łukašenki dla ŭvarvańnia va Ukrainu», — piša ŭ artykule Cichanoŭskaja.
«Biełarusy — heta fundamientalna jeŭrapiejski narod. Stahoddziami my suisnavali ź litoŭcami, palakami i ŭkraincami ŭ adnoj dziaržavie. Sproba Rasii adarvać Biełaruś ad Jeŭropy i stvaryć roznahałośsi z Ukrainaj supiarečyć našaj histaryčnaj pamiaci, našamu mientalitetu. Biełarusy chočuć nieadkładnaha vyvadu rasijskich vojsk z Ukrainy i Biełarusi. Jany pryznajuć Łukašenku vajennym złačyncam i spadziajucca, što jon paŭstanie pierad sudom. Bolšaść prosta choča, kab jon syšoŭ», — dadaje jana.
