«Kvantum 2.0» znachodzicca na nižnim jarusie ZAHSa na praśpiekcie Haziety Praŭda, 29. U muziei niekalki tematyčnych zon, dzie stajać kala 200 ekspanataŭ. Da «Kvantum 2.0» dałučyłasia i kalekcyja muzieja čałavieka, što začyniŭsia ŭ centry Minska. Takim čynam, tut raźmiaścilisia niekalki tematyčnych zon: optyka, akustyka, mahnityzm, bijałohija, enierhija i inš. Hałoŭnaje — z usimi pradmietami možna ŭzajemadziejničać.
Pradstaŭniki muzieja adznačajuć, što fokus zrobleny na hulniavoj formie i interaktyŭnaści.
— Usie ekspanaty demanstrujuć navukovyja fakty, ale robiać heta dachodliva i zajmalna, kab dzieciam było cikava. Pry hetym u nas niama abmiežavańniaŭ: da ekspanataŭ možna dakranacca, krucić — my ž razumiejem, što šlach da viedaŭ nie moža być prostym.
Naviedvalniki muzieja zmohuć znajści ŭładkavany pakoj Tesły z małankami, a taksama ciomny pakoj sa špijonskim lusterkam. Dastupnaja dzieciam i mebla Huliviera. Akramia hetaha, haściej čakajuć vyprabavańni: treba budzie vybracca ź lustranoha łabirynta, pabudavać most z hajek bieź fizičnaj siły, vykanać rolu rok-muzykanta ci paŭdzielničać u raskopkach dynazaŭraŭ. Amataraŭ bijałohii taksama čakajuć zadačy, jakija dapamohuć zrazumieć, jak zbudavany arhanizm, pracuje mozh i bjecca serca.
U muziei pakazvajuć navukovyja šou i majstar-kłasy. Dla vialikich hrup pravodziać tematyčnyja ekskursii.
Dziciačy bilet kaštuje 12 rubloŭ u budny dzień i 14 — u vychadny. Cana dla darosłaha — ad 13 da 16 rubloŭ. Dziaciej da 3 hadoŭ, jak i vieteranaŭ, puskajuć biaspłatna. U «Kvantumie» možna znachodzicca z momantu adkryćcia da zakryćcia — z 10 da 21 hadziny štodnia.
