Fota Valeryi Trejciak
Na druhi dzień Alona była na pracy, a Valeryja vyjechała znoŭ na rybhas, trymajučy ź joj suviaź. Umovy byli niespryjalnyja: padaŭ husty śnieh, arłany-biełachvosty haniali čajek.
Fota Valeryi Trejciak
«Sproby padyści bližej ź inšaha bieraha skončylisia tym, što pad nahami pačaŭ treskacca lod, — raskazała Valeryja pra svaju vypravu. — Paru razoŭ hłyboka pravaliŭšysia pad lod u śmiardziučuju žyžku, viarnułasia na pačatkovaje miesca — i tut ubačyła śvietłyja kryły, chvost, śpinu biez kropli čornaha! JANA! Udałosia zrabić zdymak, pa jakim užo biez sumnievu nam z Alonaj paćvierdzili čajku jak maładoha burhamistra».
Fota Valeryi Trejciak
Dla Valeryi hety łajfier staŭ 271-m vidam ptušak, pabačanych u Biełarusi, a dla Alony — jubilejnym 280-m.
Valeryja Trejciak i Alona Cichanovič
Čajka-burhamistr — druhaja pa vieličyni čajka ŭ śviecie, razmach kryłaŭ jakoj dasiahaje 165 sm, a masa — 2,2 kh. Hniaździcca jana na arktyčnych uźbiarežžach Paŭnočnaj Amieryki i Jeŭrazii, a zimu pravodzić zvyčajna ŭ Paŭnočnaj Atłantycy, uhłybiniu sušy zalataje vielmi redka.
Fota ilustracyjnaje
