«Makiej byŭ niaprostym čałaviekam, adzin ź niamnohich sistemnych hulcoŭ, jaki nie tolki dziaržaŭnaj dziejnaściu zajmaŭsia, jon stvaryŭ puł łajalnych sabie NDA, łaviravaŭ, karystaŭsia peŭnaj uvahaj na Zachadzie i Uschodzie, kitajski viektar, jeŭrapiejski i inšyja. Ci zmoža tak novy hulec rabić, nieviadoma.
Bolš za toje, jon rabiŭ nievierahodnuju reč. Jon zachoŭvaŭ niezaležnaść MZS ad Łukašenki i jahonaj administracyi. Jon pradstaŭnik adnoj ź piaci bujnych hrupovak, jakija tančać vakoł Łukašenki. Jakoje tam adbudziecca zrušeńnie, treba hladzieć».
Arastovič kaža, što peŭnyja vysnovy nakont budučaj palityki Biełarusi možna budzie zrabić, hledziačy na pryznačeńnie novaha ministra MZS, što heta budzie za asoba, jaki ŭ jaje bekhraŭnd, jakuju hrupoŭku jana pradstaŭlaje, jakuju palityku pravodzić. I heta toje, za čym varta nazirać.
«Što adbudziecca paśla jaho śmierci, pahladzim. Ale ja nie dumaju, što takuju sacyjasistemu, jak Biełaruś, i jaje palityku moža źmianić śmierć adnaho, navat vielmi značnaha, čałavieka. Kali heta nie śmierć Łukašenki», — havoryć Arastovič.
Jon kaža, što nie vieryć u kanśpirałahičnuju viersiju śmierci Makieja, što heta byŭ niejki znak, navat źjavilisia sumnieŭnyja publikacyi, što Rasija choča prybrać samoha Łukašenku.
«Ja nie vieru ŭ papiaredžańni. Kali chočuć zabić, nie papiaredžvajuć. Jakija mahčymaści ŭ Łukašenki ŭzmacniać achovu? Značnyja. Jaki durań tak dziejničaje? Chacieli b zabić, zabili b adrazu Łukašenku», — miarkuje Arastovič.
Jon kaža, što zaŭsiody chočacca nakrucić kanśpirałohiju, ale žyćcio składajecca z mnostva supadzieńniaŭ.
«Ja suprać takich vysnovaŭ. Ja nie pavieru, pakul mnie nie dakažuć, što jaho zabili. Inšaja sprava, što pra nastupstvy my možam havaryć. Ciapier treba hladzieć na pryznačeńni, jakija adbuducca», — havoryć jon.
Čytajcie taksama:
Stali viadomyja kandydatury na zamienu niezamiennaha ministra
«Jon zapomnicca ščyraj pracaj na dyktatara». Valer Kavaleŭski nazvaŭ Makieja častkaj represiŭnaha režymu
Łatuška: Paśla 2020 hoda Makiej pačaŭ šukać vychad, jakoha časta šukajuć ludzi pad psichałahičnym ciskam i jaki pačaŭ psavać jaho zdaroŭje
