13 kastryčnika hreka-kataliki malilisia za supakoj dušaŭ ludziej, čyje pareštki byli znojdzieny ŭ padmurku byłoha ŭnijackaha chrama Śviatoha Ducha ŭ Minsku.

Pareštki fundataraŭ chrama Śviatoha Ducha byli znojdzieny ŭ pačatku vieraśnia. Ułady adbudoŭvajuć śviatyniu — ale nie pad carkvu, a pad kancertnuju zału. Vialiki chram na kolišniaj Ratušnaj płoščy, abo Vierchnim Rynku, jaki ciapier nazyvajecca płoščaj Svabody, byŭ zbudavany unijatami ŭ pieršaj pałovie XVII st.

Padčas pracy koŭš ekskavatara prabiŭ nieviadomuju kryptu (pachavalny sklep), nie paznačanuju ni na adnym z płanaŭ carkvy. Śpiecyjalisty ź Instytutu archieałohii NAN Biełarusi pačali na hetym miescy raskopki. Adnak 8 kastryčnika pracaŭniki «Minskaj spadčyny» «źniavažyli astanki zachavanaha tam manacha», paviedamlaje sajt unijataŭ.

«Našy prodki, jakija tam pachavanyja, žychary Minska i dabradziei carkvy, majuć prava na pašanu. Hreka-katalickija vierniki čakali, kab hodna, z malitvaj pachavać u adnym ź miescaŭ novych padmurkaŭ budoŭli sabranyja kości. My čakali, zhodna z abiacańniami pracaŭnikoŭ KUP «Minskaja spadčyna», na prafiesijny pieranos krypty. Na žal, 8 kastryčnika pracaŭniki «Minskaj spadčyny» raźbili kryptu, a kości vykinuli ź jaje», — z bolem kaža a. Jaŭhien Usošyn, vice-dekan Biełaruskaje hreka-katalickaje carkvy.

Historyja carkvy Śviatoha Ducha była dramatyčnaju. U časie rasijskaj akupacyi carkvu addali pad kafiedralny pravasłaŭny Pietrapaŭłaŭski sabor. Pry hetym jaje pierabudavali nie da spaznańnia, na maskoŭski ład. A za savietami — uvohule zraŭnali ź ziamloj. Zachavalisia tolki padmurki, na ich jana i paŭstanie znoŭ, ale ŭ jakaści Dziciačaj fiłarmonii.

Ajciec Jaŭhien adznačaje, što kampietentnyja dziaržaŭnyja orhany z razumieńniem pastavilisia da situacyi, što skłałasia. I tamu možna čakać pierazachavańnia pareštkaŭ u adnoŭlenaj krypcie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?