U asnoŭnym hetaje pasłańnie adrasavanaje kirujučym kołam Rasii, śćviardžaje Hołasaŭ, pry hetym, «kali Pucin tak šmat kaža, nie tak važna, što jon kaža».
Niekatoryja vykazvańni Pucina na hetym tydni, jak piša NYT, byli jaskravym śviedčańniem zacyklenaści prezidenta Rasii na prasoŭvańni ŭłasnaha palityčnaha kursu. Naprykład, na pasiadžeńni SPČ Pucin raspavioŭ pra «nacyjanalistyčnyja elemienty» ŭ Polščy, jakija «śpiać i bačać viarnuć tak zvanyja svaje histaryčnyja terytoryi» (heta značyć, zabrać častku Zachodniaj Ukrainy). Tym samym jon paŭtaryŭ zajavy kiraŭnika Słužby źniešniaj raźviedki Siarhieja Naryškina, jaki nie pryvodziŭ nijakich paćviardžeńniaŭ svaim słovam.
Pry hetym va ŭmovach aŭtakratyi, jak adznačajuć žurnalisty, mienavita słovy Pucina dajuć najlepšaje razumieńnie rasijskaj palityki. Tamu na minułym tydni jon nie vykazaŭ ni najmienšaha namioku na niaŭpeŭnienaść u sabie, adznačaje NYT. Tak, jon nazvaŭ zachop novych terytoryj vynikam «śpiecapieracyi» i znoŭ paraŭnaŭ siabie ź Piatrom I, zajaviŭšy, što Azoŭskaje mora stała ŭnutranym moram Rasii.
Hutarka ŭ Kramli paśla ŭznaharodžańnia ŭdzielnikaŭ «śpiecapieracyi» taksama była svajho rodu pasłańniem. Pucin vyhladaŭ rassłablenym i navat jak byccam krychu napadpitku, z bakałam šampanskaha, choć centralnymi elemientami jaho imidžu zaŭsiody byli samavałodańnie i ćviarozaść.
Pavodle słoŭ Hołasava, hety chod byŭ efiektyŭny dla kramloŭskich palittechnołahaŭ: «Pucinu treba pakazać publicy, što ŭsio idzie dobra, što jon moža havaryć pra toje, što adbyvajecca, z zadavalnieńniem», — zaznačyŭ ekśpiert.
Rasijskaja prapahanda taksama časta nie zhadvaje Pucina, kali raspaviadaje pra niaŭdačy na froncie. Tak, naprykład, u dzień adstupleńnia rasijskaj armii z Chiersona siužety ab prezidencie Rasii ŭ prahramach na ŭsich telekanałach byli pakazanyja bližej da siaredziny vypuskaŭ, a pra Chierson — u samym pačatku.
