Basmanny sud Maskvy admoviŭ u zadavalnieńni pazovu ŭnuka Iosifa Stalina Jaŭhiena Džuhašvili da «Novaj haziety» ab abaronie honaru i hodnaści jaho dzieda.
73-hadovy Jaŭhien Džuhašvili, syn zahinuŭšaha ŭ 1943 hodzie ŭ niamieckim pałonie Jakava Džuhašvili, patrabavaŭ vypłacić u jakaści kampiensacyi 10 młn. rasiejskich rubloŭ za artykuł «Vinavatym pryznačany Bieryja» , apublikavany ŭ śpiecvypusku «Novaj haziety» «Praŭda HUŁAHa».
Naščadku Stalina nie spadabałasia śćvierdžańnie, što saviecki dyktatar niasie asabistuju adkaznaść za rasstreł 22 tysiač pałonnych palakaŭ u 1940 hodzie, a taksama vyznačeńnie «kryvavy ludažer» i vyraz «Stalin i čekisty paviazanyja vialikaj kryvioju, najciažejšymi złačynstvami, najpierš suprać ułasnaha naroda».
