Hrupy raźminiravańnia vajskovaj čaści 5448 unutranych vojskaŭ i śpiecpadraździaleńnia pa baraćbie z teraryzmam «Ałmaz» MUS Biełarusi abśledavali ranicaj 14 kastryčnika rynak «Zachodni» ŭ Frunzienskim rajonie stalicy.

Takija miery, jak paviedamili ŭ adździele infarmacyi i hramadskich suviaziej HUUS Minharvykankama, byli pryniata paśla telefanavańnia nieviadomaj žančyny na śpiecliniju 102.

Prykładna ŭ 10.35 žančyna paviedamiła, što z 12.30 da 13.00 na rynku «Zachodni» adbudziecca terarystyčny akt. Na prośbu apieratara paviedamić svaje danyja, žančyna adkazała: «Nie mahu siabie nazvać, bajusia, što zabjuć». Paśla čaho paviesiła trubku.

Adrazu ž było ŭstanoŭlena, što nieviadomaja telefanavała z taksafona, raźmieščanaha na terytoryi rynku. Paśla evakuacyi naviednikaŭ terytoryja była abśledavana, adnak padazronych pradmietaŭ znojdziena nie było.

Ciapier pravaachoŭniki ŭstanaŭlivajuć asobu žančyny.

HUUS nahadvaje, što ŭ adpaviednaści z artykułam 400 KK za zaviedama niepraŭdzivy danos pra ŭčynieńnie złačynstva praduhledžana adkaznaść až da pazbaŭleńnia voli terminam da piaci hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?