U Minskim haradskim sudzie vynieśli prysud 20-hadovamu palitźniavolenamu mastaku Andreju Raptunoviču — čatyry hady kałonii va ŭmovach ahulnaha režymu. Jaho asudzili za namier pajechać va Ukrainu i dałučycca da bataljona Kalinoŭskaha (č. 1 art. 13 art. 361-3 KK), a taksama za nibyta rehistracyju ŭ płanie «Pieramoha» (č. 3 art. 361-1 KK), piša «Viasna».
Sud prachodziŭ u zakrytym režymie, tamu padrabiaznaści sudovaha pasiadžeńnia i pazicyja palitviaźnia pa spravie nieviadomyja. Pad vartaj chłopiec utrymlivajecca ŭžo bolš za siem miesiacaŭ.
Stała viadoma, što dniami Andreja pieraviali ŭ SIZA-2 da razhladu apielacyjnaj skarhi. Padčas etapu chłopiec byŭ chvory, z tempieraturaj.
