U miežach śviatkavańnia 50-hodździa paeta Anatola Sysa (1959-2005) padrychtavany šerah mierapryjemstvaŭ u Minsku, Homieli, Rečycy i vioscy Haroškaŭ.

16 kastryčnika ŭ minskim muziei Maksima Bahdanoviča pačnie pracu vystavy mastaka Alesia Kviatkoŭskaha «Maja chata bieź siabroŭ nie chata», a 21 kastryčnika mastak adkryje vystavu «Na kryle ŭ pčalinaj matki…» u homielskaj halerei Haŭryła Vaščanka.

26 kastryčnika, u dzień naradžeńnia Anatola Sysa, litaraturnyja viečaryny projduć u Dziaržaŭnym muziei historyi biełaruskaj litaratury ŭ Minsku, u Homieli pa adrasie vuł. Paleskaja, 52 (pačatak a 18.00), u rečyckaj Centralnaj rajonnaj biblijatecy.

31 kastryčnika na radzimie paeta ŭ vioscy Haroškaŭ adbudziecca śviata paezii «Duch — heta, ludzi, Ja!..». Na chacie Sysa ŭdzielniki śviata adkryjuć miemaryjalnuju došku. Buduć prezientavany kniha paetyčnych pryśviačeńniaŭ Anatolu Sysu «Jahamość» i zbornik vybranych vieršaŭ paeta «Ałaiza». U śviacie zapłanavany ŭdzieł Hienadzia Buraŭkina, Uładzimira Niaklajeva, Leanida Drańko-Majsiuka, Eduarda Akulina, Barysa Piatroviča, Kasi Kamockaj, Alesia Bialackaha, Sieržuka Sysa, Valžyny Ciareščanki. Pačatak a 12.00.

KM pavodle budzma.org

Клас
0
Панылы сорам
0
Ха-ха
0
Ого
0
Сумна
0
Абуральна
0