Valeryj Załužny. Fota: Gleb Garanich / Pool Photo via AP
Z pačatku vajny, pavodle słoŭ Załužnaha, jon zvolniŭ 10 hienierałaŭ, zamianiŭšy ich bolš kampietentnymi, jašče adzin zastreliŭsia.
Usim astatnim ukrainskim hienierałam Załužny całkam daviaraje i prysłuchoŭvajecca da ich mierkavańniaŭ, nie ličyć siabie adzinym razumnym.
Hałoŭnaje — nie bajacca praciŭnika i nie davać jamu pieradyški. Pa padlikach Załužnaha, rasijanie vielmi aktyŭna źbirali resursy na praciahu troch hadoŭ. Pry hetym nazapašanych resursaŭ chapała na try miesiacy vajny pa poŭnym dasiahnieńni metaŭ. Sproba ŭziać Kijeŭ była samym łahičnym rašeńniem z punktu hledžańnia vajennaj łohiki, i Załužny sam by tak rabiŭ na ich miescy. Sychod vojskaŭ z-pad Kijeva i źmiena fokusu vajny na Danbas byli patrebnyja dla zachavańnia resursaŭ US RF.
U stratehičnym płanie bitva za Danbas dla akupantaŭ biazvyjhryšnaja. Ciapier jany praciahvajuć bajavyja dziejańni pa ŭsioj linii frontu z nadziejaj źniasilić USU i, vierahodna, paralelna naroščvajuć resursy dla novaha nastupleńnia dzieści za Urałam. Adnak ich jakaść drennaja, a patencyjał słaby, i absalutna ŭsio roŭna, kolki harmatnaha miasa jany pryzavuć u vojska.
Hałoŭnaje ciapier — nie zdać biahučyja pazicyi i padrychtavacca da rasijskaha nastupleńnia, jakoje moža pačacca pamiž kancom studzienia i sakavikom. Mahčymaje nastupleńnie na Kijeŭ, jak i na poŭdzień Ukrainy albo na Danbas.
Dla supraćdziejańnia hetym płanam vielmi važna arhanizavać reziervovyja čaści i skancentravać u ich techniku, navat koštam jaje niedaatrymańnia tymi, chto ciapier na pieradavoj.
Hałoŭnaje, što mohuć pastavić sajuźniki ciapier — tanki, BMP i BTR, bojeprypasy, a taksama srodki SPA. Pažadana jašče 300 tankaŭ, 600-700 BMP i 500 haŭbic. I artyleryjskija bojeprypasy ŭ ličbach, jakija blizkija da ŭzroŭniaŭ Pieršaj suśvietnaj.
Niekatoryja zachodnija sajuźniki traciać prytomnaść, kali padličvajuć, kolki heta budzie kaštavać.
Mabilizacyja va Ukrainie budzie prachodzić na tym ža ŭzroŭni, jaki jość ciapier. Patreby ŭ mnohich sotniach tysiač sałdat niama.
Čytajcie taksama:
Załužny: Budzie novy nastup na Kijeŭ. Nie vyklučana, što ź Biełarusi
Załužny daŭ acenku Suravikinu: Zvyčajny dziaržymorda
