Statuju ŭstalavali ŭ čaćvier pobač z darožnym znakam u centry vioski. Miascovym žycharam i minakam razdavali jajki, jakija možna było kinuć u rasijskaha prezidenta.
Akramia taho, Pucinu dali zvańnie Bellend of the Year, dzie słova Bellend abyhryvaje nazvu vioski i suhučnaje z anhlijskim pierakładam vyrazu «hałoŭka člena».
«Mnie treba było ŭznaharodzić kahości ŭznaharodaj Bellend of the Year, i ja padumaŭ, što jość adzin čałaviek, jaki sioleta ŭsiudy ličycca bellend — i heta Uładzimir Pucin. Statuju možna było zakidać jajkami, i ludzi achvotna i z zadavalnieńniem heta rabili», — raspavioŭ arhanizatar akcyi, jaki pažadaŭ zastacca nieviadomym.
Jon dadaŭ, što płanuje z hrupaj adnadumcaŭ stvaryć i pradavać minijaciurnyja kopii statui Pucina z hałavoj-fałasam, kab sabrać srodki dla dabračynnaha fondu ŭ padtrymku ŭkrainskich uciekačoŭ.
Fota: PA MEDIA
«Za hod ja bačyŭ razbureńni, jakija adbylisia va Ukrainie, i jak šmat ludziej było vymušana pakinuć svaje damy ŭ vyniku vajny. Tamu ja padumaŭ: «Ja sapraŭdy chaču dapamahčy, ja chaču zrabić svoj uniosak i pasprabavać sabrać trochi hrošaj, kab dapamahčy hetym ludziam», — adznačyŭ arhanizatar.
Heta nie pieršy padobny vypadak u śviecie. U listapadzie ŭ Prazie na miescy pomnika savieckamu maršału Konievu pastavili skulpturu Pucina na ŭnitazie ŭ vyhladzie hoblina. Jaje vystavili na aŭkcyjon sa startavaj canoj u 10 tysiač jeŭra, a srodki płanujuć vydatkavać na kuplu i adpraŭku bajavoha bieśpiłotnika ŭkrainskim vojskam.
