Bachmut, Ukraina. Fota: Libkos / AP
Aŭtar piša, što vajna:
— asłabiła Pucina i Rasiju (aŭtar ličyć, što da 24 lutaha pazicyi Pucina zdavalisia mocnymi, ale katastrafičnaja vajna nie pakinuła jamu nijakich šancaŭ hodna vyjści ź situacyi i padarvała jaho ŭpłyŭ u mnohich śfierach);
— viarnuła da žyćcia strach jadziernaj vajny;
— pryciahnuła ŭvahu da Tajvania (dziejańni Rasii prymusili zadać pytańnie, jakimi mohuć być kroki Kitaja ŭ dačynieńni da miaciežnaha vostrava — ci stała ŭvarvańnie bolš imaviernym, ci, naadvarot, aficyjny Piekin ciapier sto razoŭ padumaje?);
— pryviała da rostu inflacyi i kolkaści zabastovak u Vialikabrytanii (na fonie pavyšeńnia cen na enierhanośbity i ahulnaha padaražeńnia žyćcia);
— prymusiła bolš za 14 młn ukraincaŭ pakinuć svaje damy;
— stvaryła novuju rasijskuju dyjasparu (jak piša hazieta, za apošnija 10 miesiacaŭ z Rasii źjechała bolš ludziej, čym paśla revalucyi 1917 hoda);
— uzmacniła aściarohi, što ŭ Afrycy pačniecca hoład (heta źviazana z błakadaj Rasijaj ekspartu ŭkrainskaha zbožža, jakaja praciahvałasia pieršyja piać miesiacaŭ vajny);
— pryviała da izalacyi rasijskaj ekanomiki (hazieta piša pra zachodnija sankcyi, z-za jakich rasijskaja ekanomika moža sioleta skaracicca na 4,5%);
— zrabiła našmat bolš składanym atrymańnie infarmacyi pra toje, što adbyvajecca ŭ Rasii (z krainy prymusili źjechać mnostva zamiežnych žurnalistaŭ, a niezaležnuju rasijskuju presu prymusili zamaŭčać);
— prymusiła nas bolš dumać pra «zialonyja» technałohii i jadziernuju enierhiju (jak piša aŭtar, heta vynik pavyšeńnia cany enierhanośbitaŭ);
— NATA ŭmacavałasia (hazieta nahadvaje pra adzinstva aljansu pierad abliččam rasijskaj ahresii i pra budučaje ŭstupleńnie ŭ jaho Šviecyi i Finlandyi);
— dała ŭjaŭleńnie pra toje, jakimi buduć vojny budučyni (z adnaho boku, hetaja vajna pakazała važnaść sučasnych technałohij, takich, jak spadarožnikavy internet i drony, z druhoha — apynułasia na dziva staramodnaj ź jaje akopnaj vajnoj i artyleryjskimi duelami);
— pakazała važnaść charyzmatyčnaha lidara (u publikacyi skazana, što prezident Ukrainy Uładzimir Zialenski staŭ adnym ź viadučych suśvietnych lidaraŭ i zdoleŭ zaručycca padtrymkaj inšych dziaržaŭ, a ŭkraincy pieramahajuć u prapahandysckaj vajnie ŭ sacyjalnych sietkach);
— skončyła z vajennym tabu ŭ Hiermanii (aŭtar nahadvaje, što vajna prademanstravała, nakolki važnymi dla ekanamičnaha rostu ŭ Hiermanii byli tannyja enierhanośbity z Rasii, i prymusiła kanclera Ołafa Šolca abviaścić ab radykalnym pavieličeńni hiermanskaha vajennaha biudžetu);
— pryniesła nievierahodnyja vyhady vytvorcam zbroi (na dumku vydańnia, bolš za ŭsio vyjhrali amierykanskija i jeŭrapiejskija vytvorcy, pakolki vajna prademanstravała značnuju pieravahu zachodniaj zbroi pierad vyrablenaj u Rasii);
— umacavała ŭkrainskuju nacyjanalnuju identyčnaść (u samoj Ukrainie staŭleńnie da Rasii kardynalna źmianiłasia, a ŭ śviecie ciapier nichto ŭžo nie zbłytaje hetyja dźvie krainy; Sunday Times, jak i inšyja zachodnija vydańni, ciapier vykarystoŭvaje tolki ŭkrainamoŭnuju tranślitaracyju ŭkrainskich haradoŭ);
— parušyła suviazi Rasii ź inšymi krainami śvietu ŭ halinie sportu, navuki i mastactva;
— stvaryła pahrozu chałodnaj vajny ŭ Arktycy (vydańnie nahadvaje, što vajna pryviała da parušeńnia supracoŭnictva pamiž Rasijaj i jaje susiedziami pa Arktyčnym rehijonie, što maje nastupstvy dla ekałohii rehijona i karennych narodaŭ, jakija tam žyvuć);
— zrabiła avijapadarožžy bolš praciahłymi (heta źviazana z zakryćciom rasijskaj pavietranaj prastory dla zachodnich avijakampanij. Naprykład, da vajny palot z Łondana ŭ Tokia zajmaŭ 12 hadzin, a ciapier — amal 14);
— dała futbolnamu kłubu «Čełsi» novaha ŭładalnika (były ŭładalnik «Čełsi» Raman Abramovič byŭ vymušany pradać kłub u traŭni za 4,25 młrd funtaŭ).
