Nočču 14 kastryčnika ŭ Respublikanskim navukova‑praktyčnym centry «Kardyjałohija» prajšła apieracyja pa pierasadcy serca minčaninu Michaiłu Łarynu, paviedamili u pres‑słužbie Ministerstva achovy zdaroŭja.

24‑hadovamu Łarynu ŭ dvaccacihadovym uzroście byŭ pastaŭleny dyjahnaz «dylitacyjnaja kardyjamijapatyja». Hetaje zachvorvańnie źviazana z paražeńniem sardečnaj myšcy, pry jakim serca hublaje zdolnaść zabiaśpiečvać krovazvarot u arhaniźmie. Michaił pieranios apieracyju, ale jana nie ŭviančałasia pośpiecham. Małady čałaviek byŭ padklučany da aparatu štučnaha serca. U studzieni 2008 hoda Łarynu ŭpieršyniu ŭ Biełarusi byli impłantavanyja štučnyja žałudački serca.

Pa inicyjatyvie biełaruskaha muzyčnaha hurtu «J:mors» u červieni minułaha hoda ŭ Biełarusi startavała dabračynnaja akcyja «Serca žyvie» dla zboru srodkaŭ na praviadzieńnie za miažoj apieracyi pa pierasadcy serca Łarynu. Na śpiecyjalna stvoranym sajcie viadomyja biełaruskija muzykanty vykładvali svaje ekskluziŭnyja zapisy.

Padčas akcyi lider hurtu «J:mors» Uładzimir Puhač vystaviŭ na prodaž svaju akustyčnuju hitaru, nabytuju supracoŭnikami adnoj sa staličnych kampanij za 1.960 dalaraŭ. Da akcyi taksama dałučylisia hulcy futbolnaha kłuba BATE i vystavili na interniet‑aŭkcyjon futbołku z aŭtohrafami hulcoŭ barysaŭskaj kamandy.

Pieršaja apieracyja pa pierasadcy serca ŭ Biełarusi prajšła sioleta ŭ lutym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?