Bank of England
Partret novaha manarcha — heta adzinaje źmianieńnie ŭ dyzajnie kupiur vartaściu 5, 10, 20 i 50 funtaŭ. Tvar Karła namalavany zamiest tvaru jaho pamierłaj maci na levym baku kupiur, a taksama ŭ prazrystym «akiency».
Bank Anhlii abviaściŭ, što pa rekamiendacyi karaleŭskaha dvara i dziela paźbiahańnia niepažadanych ekałahičnych i finansavych vydatkaŭ novymi kupiurami buduć zamianiać staryja pastupova, pa miery znosu abo pavieličeńnia popytu.
Znosu pryjdziecca čakać doŭha, bo brytanskija banknoty ŭžo niekalki hadoŭ robiać z płastyku. Uvieś hety čas hrošy ź Lizavietaj i z Karłam buduć chadzić paralelna.
Ciapier u abarocie znachodzicca kala 4,5 młrd banknot Banka Anhlii ahulnaj vartaściu kala 80 młrd funtaŭ sterlinhaŭ.
Akramia taho, nievialikuju častku brytanskich najaŭnych hrošaj — prykładna 5 młrd funtaŭ — składajuć banknoty, vypuščanyja tryma šatłandskimi i čatyrma paŭnočnairłandskimi bankami. Na ich partretaŭ manarcha niama.
Na advarotnym baku anhlijskich banknot namalavanyja Uinstan Čerčyl, piśmieńnica Džejn Ościn, mastak Džozef Ternier i matematyk Ałan Tjurynh.
PA Media
Pieršyja maniety z profilem Karła III brytancy ŭžo zapuścili ŭ abarot: siamihrannyja maniety vartaściu piaćdziasiat piensaŭ pačali razvozić pa paštovych adździaleńniach krainy ŭ pačatku śniežnia.
U apošnija hady najaŭnyja banknoty i maniety davoli chutka sychodziać z paŭsiadzionnaha žyćcia brytancaŭ, čamu paspryjała raspaŭsiudžvańnie bieskantaktavych bankaŭskich kartak i pandemija. Ciapier najaŭnymi apłačvajuć prykładna 14% pakupak u krainie, a da 2025 hoda, pa prahnozach ekanamistaŭ, dola pakupak za najaŭnyja ŭpadzie da 10%.
