Kalvaryja, jakaja znachodzicca na ŭskrainie Miadzieła (Minska-Mahiloŭskaja archidyjacezija) abapał aŭtatrasy Miadzieł–Pastavy, čakaje svajho adnaŭleńnia. Sabrany amal usie patrebnyja dakumienty dla taho, kab raspačać adbudovu śviatyni. Kalvaryja ŭnikalnaja tym, što takoha typu pabudoŭ na terytoryi sučasnaj Biełarusi niama.

Da siońniašniaha dnia na miadzielskaj Kalvaryi zachavalisia dźvie kaplicy, jakija paćviardžajuć histaryčnuju kaštoŭnaść hetaha miesca. Apošniaja stacyja miadzielskaj Kalvaryi — hara Hałhofa. Tut znachodziłasia pakalečanaja vajnoj kaplica, pabudavanaja ŭ 1772 h., i try kryžy. U lipieni biahučaha hoda pierad vizitam u miadzielskuju parafiju Mitrapalita Minska-Mahiloŭskaha arcybiskupa Tadevuša Kandrusieviča kaplicu razburyli nieviadomyja. Ranicaj paśla zdareńnia miascovamu probašču patelefanavaŭ pradstaŭnik rajvykankama i paviedamiŭ, što kaplicu sadźmuła vietram.

Miadzielskaja Kalvaryja była zadumana i pabudavana pavodle płanu Kryžovaha šlachu ŭ Zebžydovie (Polšča). U 1933–1938 hh., dziakujučy namahańniam a. Ihnacyja Bylicy, kala Miadzieła było pabudavana 15 kaplic z cehły i kamieńnia, pakrytych blachaj. Kalvaryja pačała karystacca vialikaj papularnaściu i pryciahvać natoŭpy pilihrymaŭ. U letni čas miadzielskaja śviatynia napaŭniałasia pilihrymami, jakija karystalisia duchoŭnaj pasłuhaj miascovych ajcoŭ. Dalejšuju pracu pa ramoncie Kalvaryi spyniła II Suśvietnaja vajna. 2 listapada 1942 h. Kalvaryja, što naličvała ŭ toj čas kala 40 kaplic, była amal całkam razabrana i źniščana.

U 2008 h. aktyvistami miadzielskaj moładzi byŭ raspracavany płan restaŭracyi Kalvaryi. Varta adznačyć, što Kalvaryja zaniała 2-je miesca ŭ konkursie «Lehienda dla pomnika», jaki pravodziła Hramadskaje abjadnańnie «Historyka». Na konkurs była pradstaŭlena rabota «Kalvaryja duchoŭnaści i zmahańnia za Biełaruś». U kastryčniku 2008 h. u čas padarožža pa Jeŭropie moładź ź Miadzieła naviedała Zebžydova. Dziakujučy vyvučeńniu płana Kalvaryi Zebžydoŭskaj, na terytoryi miadzielskaj śviatyni byli znojdzieny padmurki troch źnikłych kaplic i raspracavana schiema ich raźmiaščeńnia.

Siońnia vierniki Miadzieła čakajuć jurydyčnaha afarmleńnia dakumientaŭ i dazvołu haradskich uładaŭ raspačać pracu na terytoryi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?