Heta budynak pa adrasie Naugarduko, 7.

Inicyjavała prajekt Ministerstva zamiežnych spraŭ Litvy, padtrymała jaho «Viasna», a realizavali mastaki z łabaratoryi «Kiaurai sieńs» i kalektyvu «Gyva Grafika». Srodki na prajekt dała Litva.

«Heta nie tolki mahčymaść uviekaviečyć vydatnuju asobu, ale i mahčymaść pahavaryć pra toje, što chvaluje mianie i mnohich svabodalubnych ludziej pa ŭsioj Litvie», — kazała raniej Lina Šlipavičucie, aŭtarka pracy i kiraŭnica «Kiaurai sieńs».

Na adkryćci hrafici (neafreski) byli vice-ministr Mantas Adomienas, daradca Cichanoŭskaj Franak Viačorka i inšyja pradstaŭniki Ofisa, siabry Bialackaha i pravaabaroncy.

Vice-ministr Mantas Adomienas i daradca Cichanoŭskaj Franak Viačorka

Vice-ministr Mantas Adomienas i daradca Cichanoŭskaj Franak Viačorka

«Ja nie mahu biez chvalavańnia tut stajać, bo zzadu vočy Alesia, jaki ź niamym dakoram hladzić na toj bok vulicy, dzie šeryja ścieny našaha pasolstva. My časta tut pravodzim akcyi, chočam dahrukacca da ŭładaŭ Biełarusi. Aleś Bialacki canoj svajoj svabody zmoh vyvieści z-pad udaru praktyčna ŭvieś kalektyŭ «Viasny», jaki praciahvaje svaju dziejnaść u mnohich krainach», — adznačyŭ na adkryćci paet i pravaabaronca Siaržuk Sys.

Aleś Bialacki byŭ u hetym hodzie hanaravany Nobieleŭskaj premijaj miru. Ad lipienia 2021 hoda jon znachodzicca ŭ turmie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?