Pra heta zajaviŭ dyrektar departamienta cenavaj palityki Ministerstva ekanomiki Ihar Famin siońnia na bryfinhu ŭ Minsku.
Pradstaŭnik Minekanomiki nahadaŭ, što ŭ adpaviednaści z pastanovaj ministerstva numar 141 značna pašyrana koła tavaraŭ, pry farmiravańni cen na jakija buduć prymianiacca svabodnyja handlovyja nadbaŭki. Adnak istotnaha rostu cen u suviazi z hetym nie čakajecca. «My nie zdymajem ź siabie zadačy pa vykanańniu prahnoznaha paramietra inflacyi pa hodu 11 pracentaŭ, — padkreśliŭ Ihar Famin. — Liču, što my pavinny ŭkłaścisia ŭ hety pakazčyk».
Pavodle słoŭ Ihara Famina, u pieralik tavaraŭ, pa jakich zachoŭvajucca abmiežavanyja pamiery handlovych nadbavak, uvajšli najvažniejšyja sacyjalna značnyja pradukty charčavańnia, tavary dla dziaciej, lekavyja srodki, vyraby miedycynskaha pryznačeńnia i tavary masavaha popytu — usiaho 50 pazicyj. «Na astatnija tavary handlovyja nadbaŭki buduć farmiravacca z ulikam kanjunktury rynku», — padkreśliŭ jon.
Što datyčycca impartavanaj pradukcyi, to 30‑pracentnaj handlovaj nadbaŭkaj buduć abmiežavany ceny tolki na tavary zamiežnaha pachodžańnia, jakija pastaŭlajucca dla vytvorčych met, ułasnaha spažyvańnia, pierapracoŭki na davalnickich umovach i jakija ŭvachodziać u pieralik najvažniejšych sacyjalna značnych. Nadbaŭki na ŭsie astatnija impartnyja tavary taksama buduć svabodnymi.
Ihar Famin kanstatavaŭ, što ciapier u Biełarusi zachoŭvajecca dziaržrehulavańnie na asnoŭnyja tavary, raboty, pasłuhi, jakija majuć važnaje narodna‑haspadarčaje i stratehičnaje značeńnie dla Biełarusi (pradukcyja abaronnaha pryznačeńnia, nafta, haz, pasłuhi ŽKH, transpartu, suviazi i inš). «Stratehičnym napramkam dziaržaŭnaj cenavaj palityki źjaŭlajecca zachavańnie pazityŭnych tendencyj pa stabilizacyi cenavaj situacyi ŭ krainie i z ulikam sacyjalna‑ekanamičnaj situacyi dalejšaje pašyreńnie śfiery prymianieńnia svabodnaha cenaŭtvareńnia ŭ metach raźvićcia kankurentnych pačatkaŭ u ekanomicy», — skazaŭ jon.
