15 kastryčnika ŭ halerei kaścioła Sv. Symona i Sv. Aleny adkryłasia fotavystava Valeryja Viadrenki «Apostały Hierviat».

Na vystavie pradstaŭleny plon dvuchhadovaj pracy z materyjałam fatahrafavańnia kaścioła Sv. Troicy u v. Hierviaty Astravieckaha rajona. Ekspazicyja składajecca ź dźviuch častak. U pieršaj aŭtar znajomić hledača ź miascovaściu, kaściołam i jaho interjeram. Druhaja častka vystavy pradstaŭlaje fotapłastyčnuju kampazicyju na temu vobrazaŭ Jevanhiella.

Na adnym z fotazdymkaŭ — śnieh padaje z dachu kaścioła. Za majoj śpinaj dva maładyja čałavieki horača abmiarkoŭvali hetuju pracu. «Nie moža śnieh takimi roŭnymi płastami źlatać! Heta fotamantaž», — kazaŭ adzin. «Moža, chiba ty nie bačyŭ, jak śnieh z dachu padaje?!», — dakazvaŭ druhi.

Nasamreč heta nie mantaž, jak raspavioŭ sam Valeryj Viadrenka. Adnojčy jon doŭha stajaŭ na choładzie i čakaŭ momantu, kali śnieh palacić z dachu. I ŭžo rasčaravaŭsia dy vyrašyŭ sychodzić. Ale, zrabiŭšy niekalki krokaŭ, paviarnuŭsia znoŭ da kaścioła. Padniaŭ fotaaparat i zaźniaŭ doŭhačakany momant padzieńnia śniehu.

Z uźniknieńniem ličbavych technałohij sp. Viadrenka pačaŭ zajmacca mantažnymi fotazdymkami. Ale heta nie pieraškadžaje jamu pracavać i ŭ halinie tradycyjnaj fatahrafii.

Vystava Valeryja Viadrenki arhanizavana pry padtrymcy Polskaha Instytuta ŭ Minsku. Pryjemna było na adkryćci čuć biełaruskuju movu z vusnaŭ dyrektara hetaj ustanovy Piatra Kazakieviča.

Pahladzieć na «Apostałaŭ Hierviat» možna da 15 listapada.

KM, fota Valeryja Viadrenki

Клас
0
Панылы сорам
0
Ха-ха
0
Ого
0
Сумна
0
Абуральна
0