Viarchoŭny sud pieranios razhlad kasacyjnaj skarhi asudžanych na śmiarotnaje pakarańnie i pažyćciovaje źniavoleńnie.

Sud pad staršynstvam Valera Kulinkoviča zadavoliŭ prośbu abarony adkłaści słuchańni, kab advakaty zmahli aznajomicca z materyjałami spravy. Sud taksama zadavoliŭ prośbu Andreja Žuka zabaranić žurnalistam zdymać u zali sudu.

27 lutaha ŭ Salihorskim rajonie byli žorstka zabityja

dva supracoŭniki sielhaspradpryjemstva «Balšavik‑Ahra», jakija pieravozili hrošy dla zarobku rabotnikam.

Zabojcaŭ i vykradalnikaŭ hrošaj milicyja nieŭzabavie znajšła. Pavodle rašeńnia Minskaha abłasnoha suda, vinavatymi ŭ złačynstvie pryznanyja Andrej Žuk, Ivan Sarokin i Uładzimir Maroz.

Raniej sudzimaha Andreja Žuka pryznali kiraŭnikom złačynnaj bandy i ŭdzielnikam zabojstvaŭ. Jaho vypraŭleńnie sud paličyŭ niemahčymym i prysudziŭ jaho da najvyšejšaj miery — śmiarotnaha pakarańnia.

Ivan Sarokin atrymaŭ pažyćciovaje źniavoleńnie. Uładzimier Maroz praviadzie za kratami 13 hadoŭ.

Andreja Žuka jak asudžanaha na śmierć sud pavinien zasłuchać asabista. Skarhu Ivana Sarokina razhledziać zavočna.

Radyjo Svaboda

***

Zabojstva 27 lutaha

Mašyna z hrašyma dla rabotnikaŭ miascovaha sielhaspradpryjemstva trapiła ŭ zasadu na ŭskrajku Salihorska.

Napad i rasprava zdarylisia prosta na ŭzboččy darohi, jakaja vykarystoŭvajecca ŭ asnoŭnym dla patrebaŭ tutejšaha pradpryjemstva.

Pierad vypadkovym kiroŭcam paŭstała vuścišnaja karcina. Cieły mužčyny j žančyny lažali ŭ łužynie kryvi na biełym śniezie

Złačyncy detalova padrychtavali płan napadu. Lehkavik naparoŭsia na zahadzia ŭstalavanyja samarobnyja kalučki. Mašynu raźviarnuła ŭpopierak darohi.

Kali buchhałtarka pasprabavała začynicca śsiaredziny, joj u hołaŭ praz škło strelili z abrezu.

Paśla zabili j kiroŭcu. Z sałonu napadniki zabrali 73 miljony rubloŭ — zarobak pracaŭnikoŭ tutejšaha SVK. Niepadalok ad miesca złačynu napadniki razabrali j vykinuli zbroju, sotavyja telefony j pazbylisia vopratki. Znajści ich udałosia pa śledzie ad čaravika.

Клас
0
Панылы сорам
0
Ха-ха
0
Ого
0
Сумна
0
Абуральна
0