Hienieralnaja prakuratura Biełarusi prapanoŭvaje istotna pavysić štrafy za kiravańnie transpartnym srodkam u stanie ałkaholnaha apjanieńnia, a taksama za pieradaču prava na kiravańnie transpartnym srodkam takoj asobie.

Pra heta paviedamlaje pres‑słužba Hienprakuratury.

Pavodle jaje infarmacyi, Hienprakuraturaj padrychtavany prajekt zakona «Ab uniasieńni dapaŭnieńnia i źmianieńniaŭ u Kodeks Respubliki Biełaruś ab administracyjnych pravaparušeńniach». Pry jaho raspracoŭcy viedamstva pryjšło da vysnovy, što ŭstanaŭleńnie kryminalnaj adkaznaści za kiravańnie transpartnym srodkam u stanie ałkaholnaha apjanieńnia nie źjaviłasia strymlivajučym faktam dla tych, chto sistematyčna kiruje aŭtamabilem u takim stanie. Tak, za dzieviać miesiacaŭ 2009 hoda vyniesiena 36.979 pastanoŭ ab nakładańni administracyjnych spahnańniaŭ za kiravańnie aŭtamabilem u pjanym vyhladzie.

Na dumku Hienprakuratury, dziejsnaj mieraj prafiłaktyki hetych pravaparušeńniaŭ moža stać bolš žorstkaje materyjalnaje ŭździejničańnie na pravaparušalnika. Prajektam zakona prapanoŭvajecca ŭstanavić štraf dla pravaparušalnika, jaki znachodzicca za rulom u stanie ałkaholnaha apjanieńnia, abo hramadzianina, jaki pieradaŭ prava kiravańnia aŭtamabilem takoj asobie,

u pamiery 200 bazavych vieličyniaŭ (7 młn. rubloŭ).

Za ŭčynieńnie anałahičnaha pravaparušeńnia paŭtorna na praciahu hoda prapanoŭvajecca ŭstanavić štraf u pamiery

300 bazavych vieličyniaŭ (10,5 młn. rubloŭ).

Pry hetym praduhledžvajecca vyklučyć nakładańnie spahnańnia na parušalnikaŭ u vyhladzie administracyjnaha aryštu, pakolki, na dumku Hienprakuratury, hetaje pakarańnie źjaŭlajecca bolš miakkim spahnańniem, čym štraf.

Ciapier u jakaści miery pakarańnia za nazvanyja vyšej pravaparušeńni praduhledžvajecca štraf u pamiery ad 15 da 35 bazavych vieličyniaŭ (ad 525 tys. rubloŭ da 1 młn. 225 tys. rubloŭ). Bazavaja vieličynia składaje 35 tys. rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?