Alaksandr Łukašenka razhladaje mahčymaść stvareńnia na bazie AAT «Minski hadzińnikavy zavod» sumiesnaha pradpryjemstva sa šviejcarskaj kampanijaj «Frank Miuler».

Minski hadzińnikavy zavod z 1996 hoda, kali pradpryjemstva stała pryvatnym, pastupova prychodziŭ da zaniapadu. U abnaŭleńnie technałahičnaha fondu nie ŭkładalisia srodki. U vyniku na zavodzie pracujuć pa technałohijach i na abstalavańni 70‑ch hadoŭ minułaha stahodździa. «Pryvatnik razvaliŭ pradpryjemstva dalej niama kudy, daviałosia jaho zabirać dziaržavie, — nahadaŭ kiraŭnik dziaržavy. — Ale my nie možam stracić hetu marku, heta pradpryjemstva, tamu što jano znakavaje dla krainy naroŭni z takimi hihantami, jak MAZ, MTZ, BiełAZ».

Inviestar prapanuje adnavić vytvorčaść na Minskim hadzińnikavym zavodzie, pastavić siudy sučasnaje abstalavańnie, davieści zarpłatu na pradpryjemstvie da siaredniaj pa Minsku. U dalejšym šviejcarskaja kampanija maje namier stvaryć kampaktnuju vytvorčaść pad adnym dacham.

Pad Minskam budzie ŭźviedziena cełaja «hadzińnikavaja vioska», dzie budzie pabudavany hadzińnikavy zavod,

arhanizavana škoła majstroŭ hadzińnikaŭ, adkryty handlovyja kropki. Inviestar abiacaje zachavać handlovuju marku «Łuč».

«Dla mianie hałoŭnaje — zachavać hadzińnikavy zavod. Čaho b heta ni kaštavała, ale jon budzie adnoŭleny», — padkreśliŭ kiraŭnik dziaržavy. Pry hetym Alaksandr Łukašenka źviarnuŭ uvahu na toje, što heta nie adzinaja mahčymaść adnavić pradpryjemstva. «Kali vy dumajecie, što ŭsio zahinuła, ničoha nie robicca, heta pamyłkovaje mierkavańnie, — skazaŭ jon, źviartajučysia da šviejcarskich biźniesmienaŭ. — Vy pavinny iści siudy, zychodziačy z taho, što zavod tak ci inakš budzie adnoŭleny. Kali my prymiem rašeńnie ab supracoŭnictvie z vami, to na kabalnyja ŭmovy nie pojdziem». Kiraŭnik dziaržavy zapeŭniŭ, što ŭ vypadku damoŭlenaści šviejcarskim biźniesmienam buduć stvorany ŭsie ŭmovy dla raboty. «Kali vy budziecie vykonvać damoŭlenaści, to nie paškadujecie, što pryjšli.

My stvorym umovy nie horšyja, čym u Šviejcaryi», — dadaŭ biełaruski lider.

Alaksandr Łukašenka adznačyŭ, što ŭ Biełarusi ŭžo jość baza, placoŭka, niadrennaja škoła. U našaj krainie, a taksama ŭ susiednich, jość ludzi, jakija zastalisia ŭ baku i jakich u vypadku nieabchodnaści možna było b zaprasić dla raboty na pradpryjemstvie. «My pryciahniem pryvatnika, kab jon dapamoh naładzić vytvorčaść hadzińnikaŭ. Zapłacim dobryja hrošy. Dziaržava zdolnaja heta zrabić. Ale jość jašče i varyjant pryciahnieńnia inviestara», — skazaŭ biełaruski lider.

Kiraŭnik dziaržavy padkreśliŭ, što ŭ lubym vypadku maje namier zachavać hetu vytvorčaść.

Prezident adznačyŭ, što ŭzvažana padydzie da pryniaćcia kančatkovaha rašeńnia. U bližejšy čas inviestar padrychtuje prajekty asnoŭnych dakumientaŭ i ŭ siaredzinie śniežnia pradstavić ich kiraŭniku biełaruskaj dziaržavy. Alaksandr Łukašenka taksama nie vyklučyŭ, što jašče raz sustreniecca ź biźniesmienami dla taho, kab kančatkova rasstavić usie kropki nad «i».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?