Adbyŭsia źjezd maładych biełarusaŭ śvietu. Štohadovyja forumy prachodziać pad nazvaj USB Rally (United Students of Belarus) — «Sustreča abjadnanych studentaŭ Biełarusi».

U Litvu źjechalisia studenty‑biełarusy z roznych kutkoŭ śvietu. Bolš za ŭsio navučencaŭ pradstaŭlaŭ miascovy Jeŭrapiejski humanitarny ŭniviersitet, ale byli i biełarusy z ZŠA, Italii, Hiermanii… U centry ŭvahi apynułasia abmierkavańnie studenckich prablemaŭ. Chtości niezadavoleny jakaściu biełaruskaj adukacyi, a chtości adčuvaje na sabie dyskryminacyju pry navučańni za miažoj.

U čas dyskusii vyjavilisia razychodžańni jak u razumieńni stratehii dziejańniaŭ, tak i žyćciovych pryjarytetaŭ. Studentaŭ, jakija navučajucca ŭ Biełarusi, ciahnuła da hłabalnych prajektaŭ, takich, jak viartańnie lhotaŭ na prajezd. Ideja nie znajšła padtrymki ŭ «amierykancaŭ». Ilja Kunicki ź Ńju‑Jorka miarkuje: «A navošta studentam ilhoty? Vy možacie vučycca i pracavać adnačasova. Nielha z maładych hadoŭ siadać na šyju hramadstvu».

Staršynia ž ZBMA (Zhurtavańnia biełaruskaj moładzi ŭ Amierycy) Mikoła Cimašenka, naprykład, vystupiŭ z prapanovaj stvaryć malelnyja pakoi ŭ biełaruskich univiersitetach. Na jaho dumku, pamiaškańni buduć zapatrabavanymi, pakolki bolš za pałovu biełaruskich studentaŭ — vierniki. «Kali b ja žyŭ u Biełarusi, ja b lohka realizavaŭ hety prajekt, — zajaviŭ jon. — Takija pakoi isnujuć u VNU pa ŭsim śviecie».

Arciom Cierašonak, jaki navučajecca ŭ Biełarusi, prezientavaŭ prahramu reform u halinie adukacyi, padrychtavanuju moładzievym kłubam pry analityčnym centry «Stratehija». U joj zakładzienyja takija punkty, jak uviadzieńnie vaŭčaraŭ na adukacyju, admiena abaviazkovaha raźmierkavańnia i stvareńnie pryvatnych škoł.

«Amierykancy» pierakonvali — treba rabić drobnyja dziejańni. Takija, jak dapamoha dziejaču Cimochu Vostrykavu — parašutystu, jaki paśla vajny z amierykanskaha samalota desantavaŭsia ŭ padsavieckuju Biełaruś, kab vieści zmahańnie za niezaležnaść. «My znajšli jaho, i jon zrazumieŭ, što pra jaho nie zabylisia. Jon pamior ščaślivym», — raskazała Taćciana Kułakievič.

Studenty miarkujuć, što praca na karyść Biełarusi nie abaviazkova tojesnaja pracy ŭnutry Biełarusi. Bolšaść ź ich nie źbirajecca viartacca na radzimu paśla skančeńnia navučańnia. Asnoŭnaja pryčyna — «kali b mnie ŭ Biełarusi stvaryli takija ŭmovy, jak u Jeŭropie…»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?