Były japonski premjer-ministr, Dziunjicira Koidzumi nie pierapuściŭ mahčymaści viarnucca da pasady kiraŭnika… nu, choć jakoj dziaržavy:
nadoječy ŭ svaim intervju jon paviedamiŭ, što ahučyć karala inšapłanietnaha plemieni ŭltra-ludziej u dziciačym fantastyčnym filmie.

Koidzumi voźmie čynny ŭdzieł ŭ stužcy «Ultra-Hałaktyka: boj zvyšpačvaraŭ», što ciapier zdymajuć japonski filijał kinastudyi «Bratoŭ Uornieraŭ» dy jaki pabudavany na paśpiachovym telesieryjale «UltraMan».

«Na kastynhu my pasłuchali kolki kandydataŭ i narešcie pryjšli da vysnovy, što tolki Koidzumi zmoža pieradać vieličny hołas karala, jaki abjadnoŭvaje i hurtuje vakoł siabie plemia Ultra-ludziej i nastrojvaje jaho suprać suprać vorahaŭ, siarod jakich prakidvajecca lutaja kaśmičnaja pačvara», — skazaŭ brytanskaj haziecie «Telehraf» adzin z pradusaraŭ stužki.

Prychilniki Koidzumi, a taksama fantastyčnaj stužki, krychu rasčaravanyja: były spadar premjer-ministar nie maje namieraŭ pieraapranacca ŭ srabrysty kaścium supier-hieroja dy budzie adno zajmacca ahučvańniem.

67-hadovy Koidzumi, adzin z samych papularnych premjer ministraŭ Japonii, adyšoŭsia ad palityčnaha žyćcia adrazu paśla vybaraŭ u žniŭni hetaha hodu. Jon byŭ premjeram-ministram ad libieralna-demakratyčnaj partyi ŭ 2001-2006 hh. Koidzumi viadomy jak prychilnik reform, a taksama jak amatar hučnych palityčnych zajavaŭ i daŭžeznych debataŭ. U svaim apošnim intervju Kuidzy pryznaŭsia, što ahučyć stužku jaho pierakanaŭ syn Šyndzira. «Syn skazaŭ, što kali byŭ chłopčykam, dyk vielmi lubiŭ hladzieć hety sieryjał», — skazaŭ Kuidzumi.

Ultraman —dziciačy sieryjał u styli takusacu (stužka pra pryhody ludziej sa zvyšmahčymaściami), jaki z pośpiecham idzie ŭ Japonii z 70-ch hadoŭ. Darečy, jaho čas ad času pakazvajuć pa kanale AXN, jaki tranślujecca taksama ŭ Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?