«Chaču źviarnucca da tych, chto biez zhody mianie, maich rodnych, za dzień da suda pryznali palitźniavolenym. Kali vy ličycie siabie pravaabaroncami, to pavinny dapamahać ludziam, a nie stvarać infarmacyjny šum za dzień da suda biez zhody rodnych i blizkich. Prašu nie ličyć mianie palitźniavolenym», — skazaŭ u zvarocie Chamutoŭski.
Chamutoŭskaha asudzili pa artykule 342 KK («Aktyŭny ŭdzieł u hrupavych dziejańniach, jakija hruba parušajuć hramadski paradak»).
Nahadajem, spartoviec byŭ zatrymany 30 vieraśnia. Spačatku jon atrymaŭ 13 sutak administracyjnaha aryštu za pierasyłku materyjałaŭ z telehram-kanała, pryznanaha ŭ Biełarusi ekstremisckim, a potym, jak śćviardžajecca, byŭ pierazatrymany pa kryminalnaj spravie.
Paśla vybaraŭ Vasil asudziŭ hvałt i źjechaŭ z krainy. Apošnim časam pracavaŭ va Ukrainie razam z Aleham Dułubam. Zatrymali Vasila paśla viartańnia ŭ Biełaruś, kudy jon pryjechaŭ na lačeńnie.
