Pryvodzim śpis z kamientarami ekśpiertaŭ:

Hvatemała

Antyhua, Hvatemała. Fota: vecteezy.com

«Hvatemała doŭhi čas była ŭ cieni bolš naviedvalnych łacinaamierykanskich krain, ale pry hetym jana ŭjaŭlaje saboj adnu z samych kulturna bahatych miaścin Łacinskaj Amieryki, jakaja daje mahčymaść pravieści maksimalna spakojny adpačynak udalečyni ad vialikich natoŭpaŭ. Naviedajcie Hvatemału, kab atrymać asałodu ad cudoŭnaj pryrodnaj pryhažości navakolla, a taksama bližej paznajomicca ź miascovymi žycharami. Bahataja i ŭtulnaja, niadaŭna adkrytaja viła Bokeh istotna mianiaje praviły hulni na Antyhua i jość adnym z samych elitnych hatelaŭ kłasa luks na siońniašni dzień».

— Tom Marčant, suzasnavalnik turystyčnaj kampanii Black Tomato.

Júkan, Kanada

Jukan, Kanada. Fota: vecteezy.com

«Kali našy padarožniki chočuć pasprabavać niezvyčajny ład žyćcia razam z novymi dziŭnymi emocyjami, my prapanujem daśledavać paŭnočna-zachodnija terytoryi Kanady, i ŭ asablivaści Júkan — ničym nie abmiežavanuju i ŭ asnoŭnym niaźviedanuju častku krainy. Paŭnočna-zachodnija terytoryi bahatyja dzikaj pryrodaj, miaścinami pražyvańnia karennych narodaŭ, ale samaje charakternaje — heta ich vyklučnaje raźmiaščeńnie, jakoje dazvolić vam u zaležnaści ad siezona stać śviedkam vieličnaha paŭnočnaha źziańnia; Júkan ža viadomy histaryčnymi słavutaściami, bahataj kulturaj i cudoŭnymi krajavidami. Što robić jaho nadzvyčaj asablivym, dyk heta miascovyja žychary, jakich vy sustreniecie na šlachu».

— Tom Marčant.

Arktyka

Hrenłandyja. Fota: vecteezy.com

Hrenłandyja. Fota: vecteezy.com

«U toj čas jak Antarktyda stała ŭ 2022 hodzie centram pryhodnickich padarožžaŭ, nastupnaj «abaviazkovaj dla naviedvańnia» miaścinaj stanie Arktyka. Isłandyja, a ciapier i Hrenłandyja, prapanujuć «sychod u siabie» — mahčymaść paźbiehnuć natoŭpu i razabracca ŭ sabie. Mienavita tudy ludzi buduć adpraŭlacca za niekranutaj pryhažościu, a taksama mahčymaściu pabačyć paŭnočnaje źziańnie».

— Miści Beles, hienieralnaja dyrektarka sietki turahienctvaŭ Virtuoso.

 

Máłaha, Ispanija

Małaha, Ispanija. Fota: vecteezy.com

Małaha, Ispanija. Fota: vecteezy.com

«Hości Airbnb šukali Máłahu dla padarožža ŭ 2023 hodzie čaściej, čym luby inšy horad u śviecie. Za apošniaje dziesiacihodździe Máłaha pieražyła svoj Reniesans i pieratvaryłasia ŭ ažyŭleny kulturny centr na cudoŭnym uźbiarežžy Kosta-del-Sol. Tut adkrylisia niekalki novych muziejaŭ, u tym liku Centr Pampidu — skarb sučasnaha mastactva, jaki znachodzicca ŭ roznakalarovym šklanym kubie. Scena vuličnaha mastactva hetkaja ž nievierahodnaja: malaŭničyja freski pakryvajuć cełyja haradskija kvartały».

— Ketryn Paŭeł, hałoŭny kiraŭnik adździeła pa chostynhu servisu Airbnb.

 

Vostraŭ Bienhuera, Mazambik

Bienhuera, Mazambik. Fota: sajt hatela &Beyond

Bienhuera, Mazambik. Fota: sajt hatela &Beyond

«Mazambikski archipiełah Bazaruta składajecca ź piaci vyspaŭ, viadomych svaimi biełaśniežnymi plažami i raznastajnaj marskoj faŭnaj. Druhaja pa vieličyni ź ich, Bienhuera, nieprykmietna pieratvaryłasia ŭ samabytnaje i schavanaje ad ludskich vačej, vydatnaje miesca dla adpačynku. Spyniciesia ŭ niadaŭna adkrytym zapaviedniku Kisava albo, naprykład, u hateli &Beyond na vostravie Bienhuera — u kožnym vypadku vy atrymajecie asałodu ad sapraŭdnaha i mirnaha trapičnaha adpačynku, dzie bierahavaja linija raspaścirajecca na mnohija mili bieź ludziej abo budynkaŭ. Pakatajciesia na dou — tradycyjnaj afrykanskaj rybackaj łodcy, abo panazirajcie za dziuhoniem — redkaj marskoj karovaj».

— Eliza Tejłar, staršy ahladalnik Vogue.

 

Bazilikata, Italija

Bazilikata, Italija. Fota: vecteezy.com

«Užo paśpieli vyklučyć Apuliju i Sicyliju sa śpisa svaich žadańniaŭ? Jak sapraŭdny fanat Paŭdniovaj Italii, ja rablu staŭku na Bazilikatu, vielmi šmatabiacalny rehijon, jakim sapraŭdy treba zacikavicca (a ŭ ideale i naviedać) u 2023 hodzie. Pryciahvajuć uvahu baročnyja cerkvy Matery — horada, jaki ŭ tym liku byŭ miescam dziejańnia aŭtamabilnaj pahoni z vysokim uzroŭniem adrenalinu ŭ apošnim filmie pra Džejmsa Bonda «Nie čas pamirać». Ale, akramia hetaha, aŭtentyčnaja Bazilikata taksama moža pachvalicca samabytnymi plažami, zajmalnaj historyjaj i śviežymi smačnymi morapraduktami. Šukajecie idealnaje miesca dla adpačynku? Tady adpraŭlajciesia ŭ Marateju, tak zvanuju tyrenskuju žamčužynu, dzie zasnavalniki znakamitaha hatela Borgo Egnazia adkryli jašče adzin čaroŭny piacizorkavy hatel Santavenere».

— Liam Chies, redaktar Vogue.

 

Japonija

Osaka, Japonija. Fota: vecteezy.com

Osaka, Japonija. Fota: vecteezy.com

«Japonija ŭ kožnaha na słychu, i popyt na jaje nievierahodny, niahledziačy na ​​ŭmiašańnie karanavirusa ŭ płany šmatlikich turystaŭ. Da pandemii heta byŭ «toj samy» kirunak dla ŭsich i kožnaha, tamu ŭ dadzienym vypadku hetaja situacyja tolki padahraje čakańnie miljonaŭ ludziej i ich cikavaść da atrymańnia śviežaha kulturnaha dośviedu, jaki prapanuje Japonija».

— Miści Beles.

 

Edynburh, Šatłandyja

Edynburh, Šatłandyja. Fota: vecteezy.com

Edynburh, vierahodna, byŭ zasnavany ŭ 1200-ch hadach, ale navat praz 800 hod jon usio jašče zdolny vas ździvić. U niadaŭna adkrytym hateli Gleneagles Townhouse lohka spałučajucca tradycyjnaja i sučasnaja atmaśfiera: tvory abstraktnaha mastactva mieściacca pad dekaratyŭnym kupałam XIX stahodździa, a ŭ kaviarni padajuć jak navamodnyja kaktejli, tak i kłasičnuju niadzielnuju smažaninu. Paźniej u hetym hodzie źjavicca raskošny bucik-hatel 100 Princes Street, interjer jakoha byŭ natchniony viadomym brytanskim madeljeram Alaksandram Makkuinam, a taksama hatel Virgin biznesmiena Ryčarda Brensana.

 — Eliza Tejłar.

 

Dalina Doru, Partuhalija

Raka Doru, Partuhalija. Fota: vecteezy.com

Raka Doru, Partuhalija. Fota: vecteezy.com

Kali vy šukajecie adnyja z samych ŭražvalnych krajavidaŭ (i smačnaje vino) va ŭsioj Jeŭropie, adpraŭlajciesia sioleta na žyvapisnyja schiły daliny Doru, što na poŭnačy Partuhalii. Serca hetaha rehijona znachodzicca ŭsiaho za hadzinu-dźvie jazdy na ŭschod ad horada Portu, a pajezdka na aŭtamabili sama pa sabie budzie vartaja ŭvahi: prajazdžajučy pa vuzkich, źvilistych darohach, jakija spuskajucca z hor, vy niby traplajecie ŭ zusim inšy śviet, jaki pranosić vas praź vinahradniki i čaroŭnyja vioski na schiłach pahorkaŭ. Tut taksama jość šmat cikavaha dla amataraŭ historyi — čaho varty tolki staražytny pałomnicki horad Łamiehu ź jaho vieličnymi cerkvami. Ale samaje hałoŭnaje — heta mienavita toje miesca, dzie možna całkam rassłabicca i atrymlivać asałodu ad dobraha žyćcia ŭ partuhalskim styli.

— Liam Chies.

 

Sinhapur

Sinhapur. Fota: vecteezy.com

Uličvajučy kavidnyja abmiežavańni ŭ apošnija dva hady, heta pieršaje miesca ŭ maim śpisie, kudy b ja chacieŭ viarnucca. Ježa, ludzi, spałučeńnie pryrody i horada — heta prosta idealnaja kambinacyja dla kožnaha, chto choča vydatna pravieści čas. Adnym z samych zachaplalnych momantaŭ dla vas budzie, kali vy trapicie ŭ horad padčas hran-pry pa zajezdach Formuły-1, jaki prachodzić nočču pry poŭnym štučnym aśviatleńni.

— Viktar Sanc, kreatyŭny dyrektar kampanii Tumi.

 

Nacyjanalny park Patahonija, Čyli

Nacyjanalny park Patahonija, Čyli. Fota: vecteezy.com

U 2018 hodzie Čyli vydzieliła 11 miljonaŭ akraŭ ziamli dla ŭźviadzieńnia nacyjanalnych parkaŭ, što stała vynikam najbujniejšaj u historyi krainy pieradačy ziamli dziaržavie ŭ dar ad pryvatnaj asoby. Namahańni «Fondu achovy pryrody imia Tompkinsa» (nazvanaha ŭ honar fiłantropa i pradprymalnika Duha Tompkinsa) dapamahli Čyli prakłaści šlach da pašyreńnia achovy niekranutaj dzikaj pryrody Patahonii. Siońnia Nacyjanalny park Patahonija zajmaje bolš za 750 000 akraŭ ziamli i źjaŭlajecca častkaj novaj sietki nacyjanalnych parkaŭ. Što vyłučaje hety rajon, dyk heta ŭłaścivyja jamu bijaraznastajnaść i addalenaść — jon ciažkadastupny i znachodzicca za šmat kiłamietraŭ ad najbolš naviedvalnych rajonaŭ arhiencinskaj Patahonii. Niadaŭna adkryty hatel Explora Lodge — heta miesca, ź jakoha možna pačać svaju čylijskuju pryhodu. Kali ž vy apynieciesia ŭ Sanćjaha, spyniciesia ŭ niadaŭna adkrytym i strymana elehantnym hateli Magnolia. U vypadku naviedvańnia horada Atakama — heta hatel Tierra Atacama.

— Tom Marčant.

 

Rym, Italija

Rym, Italija. Fota: vecteezy.com

Sioleta ŭ Rymie čakajecca sapraŭdny bum adkryćcia łakšery-hatelaŭ: ad Edition i Bulgari da Six Senses. Viečny horad — kłasičnaje miesca dla turyzmu, ale mienavita źjaŭleńnie vyšejzhadanych ažyjatažnych hatelaŭ, mnohija ź jakich aformlenyja ŭ sučasnym styli, tolki padahreje cikavaść da naviedvańnia Ryma.

— Eliza Tejłar.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?