U telehram-kanale Bresckaha abłvykankama paznačana, što ledzianoje miastečka razhornuć na placoŭcy AAT «Brescki miasakambinat», kankretnaje miesca nie nazyvajecca.
Takoje miastečka rabiłasia na abłasnym fiestyvali-kirmašy «Bieraściejskija sani» i letaś, ale hetym razam abiacajuć kudy bolšy maštab. Tak, dla ledzianoha haradka ŭ Baranavičach budzie vykarystana ŭ dva razy bolš lodu (dźvie fury), a nad ekspazicyjaj pracuje ŭ dva razy bolš ludziej, čym u minułym hodzie.
Adznačajecca taksama, što ŭ Baranavičach haradžan i haściej čakaje «bolš ekspanataŭ i bolš siurpryzaŭ».
A voś pinskija ŭmielcy ŭžo svoj «siurpryz» zrabili, pasadziŭšy ŭ «Bieraściejskija sani» samoha Łukašenku. U abłasnoha načalstva ŭ kancy listapada ŭźnikła ideja, jak možna załahodzić svajho minskaha patrona, i tamu zamovili pradpryjemstvu «Stenles» ź Pinska vyrabić dla jaho sani. Tyja z zamovaj spravilisia, ale pakolki śnieh rastaŭ, to sami navat nie paśpieli svoj tvor abkatać.
