Fota: archiŭ Alaksandry Ramanoŭskaj
Pavodle abjavy, 26-hadovaja Ramanoŭskaja šukaje pracu na pazicyju QA engineer. Dziaŭčyna zhodnaja i na stažyroŭku, u tym liku nieapłatnuju, hałoŭnaje dla jaje — nabracca dośviedu i atrymać praktyčnyja viedy. Alaksandra ŭžo prajšła kursy ŭ kampanii A1QA i zdała ekzamien katehoryi functional tester.
Ramanoŭskaja viadomaja jak adna z samych talenavitych biełaruskich frystajlistak apošniaha času. Samym zornym dla jaje staŭ 2019 hod, kali dziaŭčyna ŭziała zołata čempijanatu śvietu pa frystajle i dvojčy stała čempijonkaj zimovaj Univiersijady. Pa vynikach taho hoda Alaksandra była pryznanaja najlepšaj spartsmienkaj Biełarusi. Spartsmienka taksama ŭdzielničała ŭ zimovaj Alimpijadzie-2018, dzie zaniała 14 miesca.
Paśla vybaraŭ žniŭnia 2020 hoda i pačatku pratestaŭ biełaruska aktyŭna vykazvałasia ŭ padtrymku naroda i padpisała adkryty list spartsmienaŭ za novyja vybary i suprać hvałtu. Praz heta dziaŭčynu zvolnili z RCAP pa frystajle i prybrali sa zbornaj nibyta pa pryčynie prahułaŭ. U kancy 2021 hoda Ramanoŭskuju zatrymali i prysudzili štraf pa administracyjnym palityčnym artykule 24.23, pamier štrafu skłaŭ 2610 rubloŭ, ci amal 1050 dalaraŭ na toj čas.
U 2021 hodzie Alaksandra kazała, što maje prapanovy vystupać za inšyja krainy, ale nie prymaje ich, bo ŭsio jašče vieryć, što zmoža vystupać za Biełaruś. Tym nie mienš, ciapier talenavitaja spartsmienka šukaje pracu ŭ IT-śfiery.
Biełarus uvajšoŭ u top-50 handbalistaŭ śvietu
«Niama z kim paspaborničać». Što dziejecca ŭ biełaruskim bijatłonie
«Ščerbu ŭvohule nie liču biełarusam». Himnast z «Dziu Salej» Siamion Bukin daŭ pieršaje intervju paśla pierachodu na biełaruskuju movu
