Ministerstva vyniesła na hramadskaje abmierkavańnie prajekt pastanovy Saŭmina «Ab źmianieńni pastanoŭ Savieta Ministraŭ Respubliki Biełaruś pa pytańniach prodažu tavaraŭ».
U dakumiencie skazana, što ŭsie nazvanyja tavary hramadzianie Biełarusi mohuć bieśpieraškodna zamaŭlać na zamiežnych anłajn-placoŭkach, bo, znoŭ-taki, mohuć być bieśpieraškodna dastaŭlenyja ŭ Biełaruś, asabliva va ŭmovach svabodnaha pieramiaščeńnia pamiž krainami Jeŭrazijskaha ekanamičnaha sajuza. Tamu prapanujecca i ŭ Biełarusi źniać najaŭnyja abmiežavańni na pieraličanyja vidy tavaraŭ.
Adnak kali pa vietpreparatach zabaronu admieniać bieź jakich-niebudź dadatkovych umoŭ, to ŭ dačynieńni da piratechniki i BADaŭ abmiežavańni ŭsio ž płanujucca.
Piratechniku možna budzie pradavać anłajn tolki tady, kali ŭ pradaŭca jość skład, jaki adpaviadaje nieabchodnym normam. Padobny tavar treba budzie zabirać pa schiemie samavyvazu, ale dastaŭka taksama budzie dastupnaja pry vykanańni patrabavańniaŭ pa pieravozcy niebiaśpiečnych hruzaŭ.
Što tyčycca BADaŭ, to ich zmohuć praź internet pradavać tolki tyja kampanii, u jakich jość afłajn-apteki.
