Bank raniej uvioŭ abmiežavańnie na hrašovyja pieravody ŭ 400 rubloŭ u sutki pa kartkach «Aksamit» i 3000 rubloŭ pa inšych debietavych kartkach. «Z 2 lutaha hetaje abmiežavańnie budzie dziejničać i pry pieravodach pamiž kartkami banka adnaho kłijenta, a taksama na kartki banka «lubimych» asabistych numaroŭ. Hetaje abmiežavańnie kłijent-uładalnik rachunku moža admianić, patelefanavaŭšy ŭ kantakt-centr pa numary 147 albo napisaŭšy piśmovuju zajavu va ŭstanovie banka».
Taksama z 2 lutaha bank adkarektuje abmiežavańni pa pieravodach hrošaj pa kodzie ŭ bankamatach (pieravod «Chutki»). «Ciapier minimalnaja adnarazovaja suma pieravodu pavinna składać 10 rubloŭ, maksimalnaja — 100 rubloŭ. Akramia taho, z vykarystańniem adnoj kartki ŭ dzień (24 hadziny) možna pravieści nie bolš za dźvie apieracyi na sumu nie bolš za 200 rubloŭ», — papiaredžvaje bank.
Na praciahu čatyroch dzion (96 hadzin) maksimalnaja kolkaść apieracyj z vykarystańniem adnoj kartki nie pavinna pieravyšać šaści na sumu da 600 rubloŭ, a jašče za 30 dzion (720 hadzin) pa adnoj karcie možna ździejśnić maksimalna 15 apieracyj (pieravodaŭ na sumu da 1500 rubloŭ).
«Hetyja miery bank uvodzić dla abarony kłijentaŭ i minimizacyi vypadkaŭ kradziažu hrašovych srodkaŭ z rachunkaŭ trymalnikaŭ płaciežnych kartak šlacham atrymańnia ašukancami ad kłijentaŭ infarmacyi dla ŭvachodu ŭ sistemy dystancyjnaha bankaŭskaha absłuhoŭvańnia», — tłumačać u banku.
