«Mieduza» — adno z samych aŭtarytetnych i pavažanych rasijskich ŚMI.
Što aznačaje pryznańnie niepažadanaj arhanizacyjaj?
Pa zakonie paśla pryznańnia jaje niepažadanaj arhanizacyja abaviazanaja spynić pracu — jaje srodki i majomaść na terytoryi Rasii błakujucca. Strukturam, jakija trapili ŭ śpis, zabaroniena adkryvać fiłijały ŭ Rasii.
Status niepažadanaj u Rasii arhanizacyi pahražaje kryminalnym pieraśledam ludziam, jakija supracoŭničajuć ź joj. Rasijanam całkam zabaroniena ŭdzielničać u pracy niepažadanych arhanizacyj, u tym liku za miažoj, pad stracham kryminalnaha pieraśledu — za parušeńnie možna atrymać da čatyroch hadoŭ pazbaŭleńnia voli.
Akramia taho, kryminalnaja sprava moža pahražać tym, chto achviaruje hrošy «Mieduzie», za finansavańnie niepažadanych arhanizacyj praduhledžana pakarańnie až da piaci hadoŭ kałonii.
U Rasii zabaroniena raspaŭsiudžvać abo stavić spasyłki na materyjały niepažadanych arhanizacyj — heta značyć, što cytavańnie materyjałaŭ «Mieduzy» inšymi vydańniami budzie niezakonnym i moža pryvieści da nastupstvaŭ (až da błakavańnia hetych ŚMI).
